Frantsiyada Pavel Durov 12 ta jinoyatda ayblanmoqda

^{Foto: Instagram}
Frantsiya prokuraturasi Telegram asoschisi Pavel Durovni 12 ta jinoyatda ayblamoqda. Bu haqda prokuratura press-relizi bilan tanishgan «Novaya gazeta Evropa» xabar berdi.

Xususan, unga quyidagi ayblovlar qoʻyilgan:

- uyushgan guruhlarning noqonuniy operatsiyalarini amalga oshirish uchun onlayn-platformani boshqarishda ishtirok etish;

- huquqni muhofaza qiluvchi organlarning talabiga binoan tergovni oʻtkazish va undan foydalanish uchun zarur boʻlgan ma'lumotlar yoki hujjatlarni taqdim etishdan bosh tortish;

- voyaga etmaganlar pornografik kontentini saqlashda ishtirok etish;

- voyaga etmaganlarning pornografik tasvirlarini uyushgan guruh tomonidan tarqatishda ishtirok etish;

- giyohvand moddalarni tarqatishda ishtirok etish;

- hakerlik hujumlari bilan bogʻliq kiberjinoyatlarga sheriklik;

- uyushgan jinoiy guruhlarning firibgarlik faoliyatiga sheriklik;

- kamida besh yil muddatga ozodlikdan mahrum qilish bilan jazolanadigan jinoyatlarni sodir etish maqsadida uyushgan guruh tuzish;

- uyushgan jinoiy guruh faoliyatidan olingan pul mablagʻlarini legallashtirish;

- majburiy deklaratsiyalarsiz, maxfiylikni ta'minlashga qaratilgan kriptografik xizmatlarni taqdim etish;

- maxfiylikni ta'minlash uchun zarur boʻlganidan tashqari kriptografiya vositalarini noqonuniy taqdim etish;

- maxfiylikni ta'minlash uchun zarur boʻlganidan tashqari kriptografik vositalarni noqonuniy import qilish.

Qayd qilinishicha, Durovga nisbatan tergov 8 iyulda boshlangan. U 28 avgustgacha hibsda qoladi, shundan soʻng, prokuratura unga nisbatan ayblov e'lon qilishi yoki ozod etishi shart. “Zamin” yangiliklarini “Telegram”da kuzatib boring