Foto: AFP
Rossiya prezidenti Vladimir Putin Mongoliyaga rasmiy tashrifi oldidan Xalqaro jinoiy sud buyrug‘i bilan hibsga olinmasligi haqida kafolat oldi. Bu haqda Bloomberg agentligi tayyorgarlik jarayoni bilan tanish bo‘lgan ikki manbaga tayanib xabar berdi.
“Putinning hibsga olinish xavfi yo‘q. Xorijga safar qilishdan oldin muzokaralar davomida bir qator masalalar bo‘yicha oldindan kelishuvga erishiladi va qabul qiluvchi tomon na Putin, na delegatsiyaning boshqa a’zolari hibsga olinmasligiga 100 foiz kafolat beradi”, deya siyosatshunos Sergey Markov so‘zlaridan iqtibos keltiradi Bloomberg.
Rossiyalik siyosiy texnolog Stanislav Belkovskiyga ko‘ra, “Putin Xitoy xavfsizlik kafolatlari bilan himoyalangan Mongoliyaga safar qilmoqda. Mongoliya AQSH bilan qarama-qarshilikka kirishni istamasa ham, Xitoyga qarshi chiqmaydi”.
Putinning matbuot kotibi Dmitriy Peskov ham Kreml prezidentning Rim statutini ratifikatsiya qilgan davlatga tashrifidan xavotirda emasligini ma’lum qilgan.
“Yo‘q, tashvishlanmang. Mongoliyalik do‘stlarimiz bilan ajoyib muloqotdamiz”, dedi u.
Peskov, shuningdek, Rossiya tomoni Mongoliya rahbariyati bilan “XJS tomonidan berilgan order bo‘yicha” muzokara olib borganmi, degan savolga ijobiy javob bergan: “Albatta, tashrifning barcha jihatlari puxtalik bilan tayyorlangan”.
Rossiya yurisdiksiyasini tan olmaydigan Xalqaro jinoiy sudning dastlabki tergov palatasi Putin va bolalar ombudsmani Mariya Lvova-Belovani 2023 yilda “bolalarni Ukrainadan noqonuniy olib chiqishda gumon” mavjudligi sababli hibsga olishga order bergandi.
XJS yurisdiksiyasi Rim statutini, sud faoliyatini tartibga soluvchi hujjatni ratifikatsiya qilgan mamlakatlarga ham tegishli. Mongoliya 2000 yilda Rim statutini imzolagan va 2002 yilda uni ratifikatsiya qilgan. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Qozog‘iston Ukraina atrofidagi vaziyat tufayli harbiy va fuqarolik obyektlari xavfsizligini kuchaytirdi
Zelenskiy Putin borasida bayonot berdi: “Tinchlikni istaganlar yuziga tupurmoqda”
Italiya sudi Quddus Isroil poytaxti emasligi haqida qaror chiqardi
2026 yilda bo‘lajak mundialning favoritlari reytingi taqdim etildi
Putin Ukrainadagi obyektga ballistik raketa zarbasi berilganini e’lon qildi
Befoyda va qimmat: shifokorlar tavsiya etmaydigan 5 turdagi biologik faol qo‘shimchalar
O‘mon sultonligi elchisi: «Urushlarni harbiy kuch bilan hal qilib bo‘lmaydi»
