Yair Lapid Foto: TASS/EPA/ATEF SAFADI
G‘azo sektorida garovga olingan olti nafar isroillikning jasadi topilishi ortidan Isroil muxolifati yetakchisi Yair Lapid Binyamin Netanyahu hukumatiga qarshi norozilik namoyishlari va umumiy ish tashlashga chaqirdi. «Netanyahu va o‘lim kabineti garovga olinganlarni qutqarmaslikka qaror qilishdi, - deb yozdi Lapid 1 sentyabr, yakshanba kuni X platformasida. - Ular o‘limlar uchun javobgardir». Lapid «bugun ertalab yuragi ezilgan har bir fuqaroni» Tel-Avivdagi namoyishda ishtirok etishga chaqirdi. U kasaba uyushmalari, ish beruvchilar va mahalliy hokimiyat organlarini ish tashlashga chaqirdi.
Shu kuni Isroilning eng yirik kasaba uyushmalari federatsiyasi hukumatga bosimni kuchaytirish maqsadida umumiy ish tashlash e’lon qildi. G‘azo sektoridagi garovga olinganlarni endi «yolg‘iz qoldirish» mumkin emas, dedi Gistadrut kasaba uyushmasi rahbari Arnon Bar-David. «Men faqat bizning aralashuvimiz uyg‘onishga muhtojlarni uyg‘otishi mumkin degan xulosaga keldim», dedi Bar-David bosh vazir Binyamin Netanyahu hukumatiga qarata. 2 sentyabr kuni ertalab soat 6 dan boshlab «butun Isroil iqtisodiyoti keng ko‘lamli ish tashlashga kirishadi», deb yozgan kasaba uyushmasi rahbari.
Garovga olinganlarning jasadida o‘q izlari topilgan
Bir kun avval SAHAL Rafah aholi punkti yaqinida yahudiy davlatiga hujum chog‘ida hamaschilar tomonidan o‘g‘irlab ketilgan olti nafar garovga olingan shaxs jasadini topdi. Jasadlar yerosti tunnelidan chiqarilib, Isroilga olib ketilgan. Ynet Isroil nashrining sud-tibbiy ekspertiza xulosalariga tayanib yozishicha, garovga olinganlar so‘nggi 48 soat ichida o‘ldirilgan.
Hozirda 97 kishi falastinliklar qo‘lida garovda qolmoqda, biroq Isroil razvedka xizmatlari ma’lumotlariga ko‘ra, ulardan 33 nafari halok bo‘lgan.
Yaqin Sharqdagi keskinlashuv
2023 yil 7 oktyabr kuni ertalab Hamasning harbiy qanoti - «Izzaddin al-Qassam brigadalari» Isroilga qarshi «Al-Aqso to‘foni» operatsiyasi boshlanganini e’lon qildi. G‘azo sektoridan Isroil tomon minglab raketalar otildi, qurolli guruhlar Isroil aholi punktlariga kirdi.
Hamasning bildirishicha, operatsiya bosib olingan Sharqiy Quddusdagi Al-Aqso masjidiga bostirib kirish va isroillik muhojirlarning falastinliklarga nisbatan zo‘ravonligi kuchayib borayotganiga javoban amalga oshirilgan. Bunga javoban Isroil armiyasi G‘azo sektorida Hamasga qarshi o‘nlab qiruvchi samolyotlardan foydalangan holda «Temir qilichlar» operatsiyasi boshlanganini e’lon qildi.
Isroil-Falastin mojarosi avj olgandan beri 40,5 mingdan ortiq falastinlik halok bo‘ldi. Isroilda qurbonlar soni 1400 dan oshadi. G‘azoning 2,3 million aholisi Isroilning havodan ommaviy bombardimon qilishi va eksklavning to‘liq blokadasi tufayli oziq-ovqat, suv va dori-darmonlar tanqisligidan aziyat chekmoqda. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Qozog‘iston Ukraina atrofidagi vaziyat tufayli harbiy va fuqarolik obyektlari xavfsizligini kuchaytirdi
Zelenskiy Putin borasida bayonot berdi: “Tinchlikni istaganlar yuziga tupurmoqda”
Italiya sudi Quddus Isroil poytaxti emasligi haqida qaror chiqardi
2026 yilda bo‘lajak mundialning favoritlari reytingi taqdim etildi
Putin Ukrainadagi obyektga ballistik raketa zarbasi berilganini e’lon qildi
Befoyda va qimmat: shifokorlar tavsiya etmaydigan 5 turdagi biologik faol qo‘shimchalar
O‘mon sultonligi elchisi: «Urushlarni harbiy kuch bilan hal qilib bo‘lmaydi»
