5 819
Boshqirdiston rahbari Evropaning eng yirik masjidiga milliardlab pullar ajratishga va’da berdi
Boshqirdistonning sobiq rahbari, "Ural" xayriya jamg‘armasi raisi Murtazo Rahimov respublika rahbari Rustem Xamitovning "Ar-Rahim" masjidi qurilishini yakunlashda yordam berish taklifiga javob berdi, deb ma’lum qilmoqda "Kun" nashri.
Ufada qad rostlayotgan masjid Evropadagi eng katta masjid sifatida e’tirof etilmoqda.
"Bu maqsadlar uchun hammasi bo‘lib 1,45 mlrd rubldan ko‘proq pul ajratilgan. Bugungi kunda jamg‘arma tomonidan qurilishni moliyalashtirish to‘xtatilgan. Buning sababi – qurilish buyurtmachisi – Boshqirdiston Respublikasi musulmonlar diniy boshqarmasi tomonidan ajratilgan xayriya mablag‘larining maqsadga muvofiq ishlatilmasligi, uning qimmat narxdagi import materiallardan voz kechishni istamasligidir", deb aytildi "Ural" saytida.
Qurilishni moliyalashtirishdan bosh tortish haqidagi rasmiy bayonot "Ural"ning saytida 18 avgustda joylashtirilgan. Biroq 5 sentyabrda Xamitov masjidni qurib bitkazishda yordam berish taklifi bilan chiqdi.
"Bu ulkan va qimmatbaho qurilish ekanini anglash kerak. 25 ming kvadrat metr maydonda inshoot qurish bugungi kunda kamida 2-2,5 mlrd rublni tashkil qiladi. Hozirda ob’ekt taxminan yarmiga qurib bitkazilgan. Biroq bu imoratning o‘zi. Bundan tashqari, yo‘l, ko‘prik qurish, jamoat transportini yo‘lga qo‘yish kerak. Gap yana bir necha milliard rubl haqida ketmoqda", deb aytgan Xamitov.
Xamitovning aytishicha, "hukumatga hozircha qurilishni o‘z zimmasiga olish va uni oxirigacha etkazish iltimosi bilan hech kim murojaat qilmagan".
Bugun Rahimov jamg‘armasi bu taklifni qabul qilgani ma’lum bo‘ldi.
"Barpo etilayotgan ob’ekt respublika uchun ham, butun musulmon dunyosi uchun ham juda muhim. Biz yaqinda bergan intervyumizda masjid qurib bitkazilishi va respublika, mamlakat va butun dunyo dindorlari ixtiyorida bo‘lishi uchun maksimal darajada kuchimizni berishimizni aytgandik. Biz o‘z tomonimizdan sizning istagingizni qo‘llab-quvvatlaymiz va respublika hukumati Jome’ masjidni barpo qilishni e’tiborsiz qoldirmaydi, deb umid qilamiz", deb aytilgan "Ural" saytida chop etilgan, respublikaning amaldagi prezidentiga birinchi prezidenti yo‘llagan murojaatda.
“Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Xalqaro jinoyat sudi Isroil bosh vaziri Netanyaxuni hibsga olishga order berdi
Zelenskiy Putin borasida bayonot berdi: “Tinchlikni istaganlar yuziga tupurmoqda”
Diniy qo‘mita Umra ziyoratini tashkil qilish uchun 12 ta turfirmaga litsenziya berdi
Putin Ukrainadagi obyektga ballistik raketa zarbasi berilganini e’lon qildi
O‘mon sultonligi elchisi: «Urushlarni harbiy kuch bilan hal qilib bo‘lmaydi»
Shavkat Mirziyoyev Rossiya bosh prokurori bilan uchrashuv o‘tkazdi
Befoyda va qimmat: shifokorlar tavsiya etmaydigan 5 turdagi biologik faol qo‘shimchalar
