Foto: Getty Images
Amerikalik milliarder Ilon Mask 2027 yilga kelib dunyodagi birinchi trillionerga aylanishi mumkin. Bu haqda milliarderlarning mol-mulkini kuzatib boruvchi Informa Connect Academy kompaniyasi xabar berdi.
Bloomberg nashriga ko‘ra, taniqli tadbirkorning boyligi yiliga o‘rtacha 110 foizga o‘sib bormoqda. Mask 251 milliard dollar bilan dunyodagi eng boy odam hisoblanadi va ilk trillioner bo‘lishga da’vogardir. Boshqa da’vogarlar qatorida hindistonlik biznes konglomerat asoschisi Gautam Adani ham bor. Uning boyligi yiliga 123 foizga o‘sishda davom etsa, u 2028 yilga kelib trillonerga aylanishi mumkin.
Prognozlarga ko‘ra, undan keyingi o‘rinlarni Nvidia bosh ijrochi direktori Jensen Xuang va indoneziyalik energetika hamda kon sanoati magnati Prajogo Pangestu egallaydi. Ular ham 2028 yilda trillionerga aylanishi mumkin.
2030 yilga borib Meta korporatsiyasi rahbari Mark Sukerberg va Louis Vuitton Moet Hennesy kompaniyalar guruhi bosh direktori Bernar Arno ham trillionerga aylanishi kutilmoqda.
1916 yilda dunyoning birinchi milliarderi e’lon qilingandi. U o‘sha paytdagi eng yirik neft kompaniyasi Standart Oil'ning asosiy aksiyadori hisoblangan amerikalik Jon D.Rokfeller edi.
Dunyo olimlarining ko‘pchiligi ulkan boyliklarning to‘planishini ijtimoiy kasallik deb hisoblaydi. Chunki ba’zi hisob-kitoblarga ko‘ra, eng badavlat kishilarning 1 foizi Yer yuzida karbonat angidrid chiqarishda eng kambag‘al 66 foizdan ko‘proq ulushga ega. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
O‘mon sultonligi elchisi: «Urushlarni harbiy kuch bilan hal qilib bo‘lmaydi»
Zelenskiy Putin borasida bayonot berdi: “Tinchlikni istaganlar yuziga tupurmoqda”
Qozog‘iston Ukraina atrofidagi vaziyat tufayli harbiy va fuqarolik obyektlari xavfsizligini kuchaytirdi
Josep Borrel: “Xalqaro jinoyat sudining Netanyaxuni hibsga olish bo‘yicha qarori ijro etilishi shart”
Putin Ukrainadagi obyektga ballistik raketa zarbasi berilganini e’lon qildi
Befoyda va qimmat: shifokorlar tavsiya etmaydigan 5 turdagi biologik faol qo‘shimchalar
Ukraina Kursk oblastida egallab olgan hududlarining 40 foizdan ortig‘ini yo‘qotdi
