Uelsda politsiya futbolchini o‘yin vaqtida qo‘lga oldi

^{Foto: Instagram}
Futbolchi Jordan Evans o‘g‘rilikda ayblanib, hibsga olindi. Politsiya o‘yin tugashini kutmay, o‘yinchini qo‘lga olish uchun maydonga kirib keldi.

Uelslik futbolchi Jordan Evans Uels chempionatining quyi ligalaridan birida o‘ynaydi.

Ma’lumotlarga qaraganda, voqea 7 sentyabr, shanba kuni sodir bo‘lgan. Jordan Evans “Beglan Dragons”ning “Kumbran Seltik”ka qarshi o‘yinning ikkinchi bo‘limida zaxiradan maydonga tushdi. U ikkita golli uzatmani amalga oshirishga muvaffaq bo‘ldi va g‘alaba golini kiritdi. Uchrashuv 4:3 hisobida “Beglan”ning g‘alabasi bilan yakunlandi.

Uchrashuv tugashiga 5 daqiqa qolganida politsiya maydonga tushib, futbolchini hibsga oldi. Jamoa murabbiyi futbolchini almashtirishga muvaffaq bo‘ldi. Keyinchalik Janubiy Uels politsiyasi 31 yoshli erkakni o‘g‘rilikda gumon qilib, hibsga olganini tasdiqladi. Biroq keyinroq uning aybi isbotlanmagach, qo‘yib yuborilgan.

“Beglan”ning ijtimoiy tarmoqlarida e’lon qilingan bayonotida aytilishicha, klub ijtimoiy tarmoqlarda tarqalayotgan futbolchi bilan bog‘liq voqea aks etgan videodan xabardor.

“Shuningdek, biz ko‘rib chiqilayotgan futbolchi Janubiy Uels politsiyasi tomonidan bir necha soatdan keyin hech qanday ayblovsiz va boshqa hech qanday harakatlarsiz qo‘yib yuborilganini tasdiqlashimiz mumkin. Biz bu ishni yopiq deb hisoblaymiz va bu haqda boshqa izoh bermaymiz”, deya klub o‘z bayonotini yakunlagan. “Zamin” yangiliklarini “Vkontakti”da kuzatib boring