O‘zbekistonga Britaniya kompaniyasi tomonidan sayyohlar jalb etiladi

^{Foto: Dunyo}
O‘zbekistonning Britaniyadagi elchisi Ravshan Usmonov Abercrombie & Kent sayyohlik kompaniyasi ijrochi direktori Maksimilian Maklay bilan muzokara o‘tkazdi.

Muloqot davomida Maksimilian Maklay britaniyalik va boshqa xorijiy sayyohlar orasida O‘zbekistonga qiziqish ortib borayotganini ta’kidladi.

“So‘nggi yillarda Abercrombie & Kent kompaniyasi O‘zbekistonga ko‘proq sayohat uyushtirmoqda. Biz mamlakatning boy madaniy merosi, ajoyib manzaralari va o‘zbek xalqining mehmondo‘stligini yuksak qadrlaymiz”, degan u.

Uchrashuvda O‘zbekiston va Abercrombie & Kent o‘rtasidagi hamkorlikni yanada rivojlantirish istiqbollari muhokama qilindi. Muzokaralar yakunida O‘zbekistonga Britaniyadan 1500 dan ortiq sayyohni jalb etish bo‘yicha kelishuvga erishildi. “Zamin”ni Telegramʻda oʻqing!