Foto: AFP
Janubiy Afrikada 21 sentyabr kuni kutilmaganda yog‘gan qor tufayli bir nechta avtomobil yo‘llarida transport harakati butunlay to‘xtab qoldi. Bu haqda France 24 telekanali ma’lum qildi.
Ayniqsa, Yohannesburg va sharqiy sohildagi Durban shahrini bog‘lovchi N3 magistral yo‘li ko‘proq zarar ko‘rdi. Ba’zi hududlarda ikki metrgacha qor yoqqani aytilmoqda. Haydovchilar tunni mashinada o‘tkazishga majbur bo‘ldi. Qutqaruv ishlariga favqulodda xizmatlar bilan birga armiya ham jalb etildi.
KvaZulu-Natal provinsiyasi hukumati qiyin ahvolga tushib qolgan ba’zi haydovchilarga ko‘rpa-to‘shak va oziq-ovqat yetkazib berilgani haqida bayonot berdi.
Yo‘l harakatini boshqarish korporatsiyasining jamoatchilik bilan aloqalar bo‘yicha xodimi Saymon Zvane AFP'ga ma’lum qilishicha, yuk mashinalari 20 sentyabrdan beri yo‘l chetida to‘xtab turibdi.
“Provinsiyalar orasida qatnayotgan avtobuslar yoqilg‘i quyish shoxobchalarida taxminan yetti soatcha to‘xtab qoldi”, — dedi u.
Janubiy Afrika meteorologiya xizmati sinoptigi Lutando Masimini sodir bo‘layotgan hodisani “ekstremal holat” deb baholadi va kelgusi soatlarda qor yog‘ishi yanada ko‘payishi mumkinligi haqida ogohlantirdi.
2023 yilning yozida Janubiy Afrikada 10 yil ichida birinchi marta qor yoqqandi. O‘shanda yog‘ingarchilik jiddiy muammolarni keltirib chiqarmagan. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Xalqaro jinoyat sudi Isroil bosh vaziri Netanyaxuni hibsga olishga order berdi
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Ramzan Qodirov G‘arb davlatlariga hujum qilishga chaqirdi: “Haqiqiy urush qandayligini his qilishsin”
Turkiya o‘zining birinchi kvant kompyuterini taqdim etdi
Metabolizm sekinlashganining belgilari
Har payshanba jismoniy tarbiya va sport kuni sifatida belgilanadi
Superliga. OKMK safarda "Paxtakor"ni mag‘lub etdi va 11 yillik qora an’anaga chek qo‘ydi
Husiylar Isroil aviabazasiga gipertovushli raketa bilan zarba berdi
