Foto: RIA Novosti
Germaniya bojxona organlari Karlsrue prokuraturasi topshirig‘iga ko‘ra, Internet orqali mamlakatda taqiqlangan RT (sobiq Russia Today) va "Rossiya 1" kabi Rossiya telekanallarini Germaniyaga retranslatsiya qilgan noqonuniy striming xizmati faoliyatini to‘xtatdi. Bu haqda 27 sentyabr, juma kuni AFP va Südwestrundfunk xabar berdi.
Xizmatni Karlsruedan ikki yildan ortiq vaqt davomida 37 yoshli erkak va uning 42 yoshli ukrainalik rafiqasi boshqargan. Tintuv chog‘ida ulardan retranslyatsiya uskunalari, yozma dalillar va 40 ming yevro naqd pul musodara qilindi. Bundan tashqari, er-xotinning noqonuniy strimingdan olgan 120 ming yevro miqdoridagi daromadi musodara qilindi va ular ishlatgan internet domeni bloklandi, deyiladi prokuratura xabarida.
Sanksiyalarni buzgani uchun er-xotin kamida bir yil qamoq jazosiga hukm qilinadi.
GFR va YEIda Rossiya tashviqot telekanallari taqiqlanishi
Germaniyada radio va teledasturlar davlat regulyatori - Litsenziyalash va nazorat komissiyasi 2022 yil 2 fevralda RT DE telekanalining Germaniyada translyatsiyasini taqiqladi. Idora tushuntirishicha, telekanalning mamlakat hududida translyatsiya qilish uchun litsenziyasi yo‘q, bu amaldagi qonunchilikka muvofiq talab qilinadi. O‘sha yilning 1 martida YEI Kengashi RT English, RT UK, RT Germany, RT France, RT Spanish va Sputnik efirini translyatsiya qilishni taqiqlash to‘g‘risida qaror qabul qildi, chunki bu telekanallar Yevropa Ittifoqida jamoat tartibi va xavfsizligiga tahdid soladi.
2022 yil dekabrida Rossiyaga qarshi sanksiyalarning to‘qqizinchi paketi doirasida YEI Kengashi NTV/NTV "Mir", "Rossiya 1", RЕN TV va Birinchi kanalning ko‘rsatuv litsenziyalarini to‘xtatib qo‘ydi. "Ushbu ommaviy axborot vositalari Rossiya Federatsiyasi rahbariyatining doimiy bevosita yoki bilvosita nazorati ostida bo‘lib, ular Rossiyaning tajovuzini qonuniylashtiradigan va Ukrainani qo‘llab-quvvatlashga putur yetkazadigan dezinformatsiya va harbiy tashviqotning uzluksiz va kelishilgan harakatlari uchun foydalaniladi", deya ma’lum qilgandi YEI Kengashi. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Xalqaro jinoyat sudi Isroil bosh vaziri Netanyaxuni hibsga olishga order berdi
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Italiya sudi Quddus Isroil poytaxti emasligi haqida qaror chiqardi
Shavkat Mirziyoyev Rossiya bosh prokurori bilan uchrashuv o‘tkazdi
22 noyabr kuni Cobalt avtomobiliga shartnoma ochilishi e’lon qilindi
2026 yilda bo‘lajak mundialning favoritlari reytingi taqdim etildi
O‘mon sultonligi elchisi: «Urushlarni harbiy kuch bilan hal qilib bo‘lmaydi»
Qozog‘iston Ukraina atrofidagi vaziyat tufayli harbiy va fuqarolik obyektlari xavfsizligini kuchaytirdi
