Foto: Gage Skidmore
AQSHning Springfild shahridagi Haiti diasporasi vakillari AQSHning sobiq prezidenti Donald Trampning orol davlatidan kelgan muhojirlar uy hayvonlarini o‘g‘irlab ketayotgani va yeyayotgani haqidagi da’volari yuzasidan Mayami federal sudiga da’vo arizasi bilan murojaat qildi. 27 sentyabrdagi hujjatda ayblanuvchilar ro‘yxatida respublikachilar partiyasidan vitse-prezidentlikka nomzod Jeyms Devid Vens va avvalroq Trampning da’volarini qo‘llab-quvvatlovchi xabarlarni tarqatgan X ijtimoiy tarmoq egasi Ilon Mask ham bor.
«Oxirgi ikki hafta davomida haitilik muhojirlar »mushuk va it yeyishi» haqidagi da’volar yolg‘on ekanligi haqida bir necha bor aytilgan bo‘lsa-da, ayblanuvchilar uni tarqatishda davom etmoqda. Bu bayonotlar haitilik muhojirlarga tuhmat qilish va hayotini xavf ostiga qo‘yish maqsadida tarqatilyapti», — deyiladi bayonotda.
Tuhmat, nafrat qo‘zg‘atish, zo‘ravonlikka undash va haitilik muhojirlar fuqarolik huquqlarini buzishga qaratilgan fitna — bu The Haitian Diaspora PAC va Office of the Haitian Diaspora guruhlari tomonidan Trampga qo‘yilgan ayblovlarning faqat bir qismidir. «Hech kimning butun bir guruh odamlarga tuhmat qilishga, ularga qarshi yolg‘on tarqatish orqali kundalik hayotini xavf ostiga qo‘yishga haqi yo‘q», deb ta’kidladilar da’vo loyihasi mualliflari.
Tramp muhojirlarni it va mushuklarni yeyayotganlikda aybladi
Demokratik partiyadan prezidentlikka nomzod Kamala Harris bilan saylovoldi debatida Tramp haitilik muhojirlarni mushuk va itlarni yeyayotganlikda ayblab, ularni Springfilddan ommaviy ravishda deportatsiya qilishga va’da berdi. «Springfildda ular itlarni yeyishadi, mushuklarni yeyishadi. U yerda yashovchi odamlarning uy hayvonlarini yeyishadi», — dedi respublikachi. Springfild meri Rob Ryu va shahar politsiyasi bu xabarlarni rad qildi, biroq Tramp tarafdorlari ularni tarqatishda davom etdi.
Trampning bayonotlari ijtimoiy tarmoqlarda ko‘plab istehzoli izohlar va postlarni keltirib chiqardi. Shunday qilib, janubiy afrikalik musiqachi The Kiffness Trampning so‘zlari asosida Eating the Cats deb nomlangan satirik trekni yozib chiqardi, u ikki hafta ichida YouTube'da 9 milliondan ortiq ko‘rildi. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Xalqaro jinoyat sudi Isroil bosh vaziri Netanyaxuni hibsga olishga order berdi
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Superliga. OKMK safarda "Paxtakor"ni mag‘lub etdi va 11 yillik qora an’anaga chek qo‘ydi
Italiya sudi Quddus Isroil poytaxti emasligi haqida qaror chiqardi
22 noyabr kuni Cobalt avtomobiliga shartnoma ochilishi e’lon qilindi
2026 yilda bo‘lajak mundialning favoritlari reytingi taqdim etildi
Xalqaro jinoyat sudining orderi Isroilni nega qo‘rqityapti?
Ramzan Qodirov G‘arb davlatlariga hujum qilishga chaqirdi: “Haqiqiy urush qandayligini his qilishsin”
