Foto: Revierfoto / imago-images.de / Global Look Press
Ukrainaning Rossiyaga qarshi urushda g‘alabasi uning hududi ustidan nazoratni qaytarish va Rossiya qo‘shni davlatga hujum qilishni to‘xtatadigan vaziyat bo‘lishi kerak. Bu fikrni 29 sentyabr, yakshanba kuni Bild tabloidiga bergan intervyusida muxolifatdagi Xristian-demokratik ittifoq/Xristian-sotsial ittifoq (XDI/XSI) blokidan Germaniya kansleri lavozimiga nomzod Fridrix Mers bildirdi.
«Ukraina hech qachon Rossiyani (harbiy jihatdan) mag‘lub eta olmaydi, - dedi Mers. - Ammo men uchun g‘alaba uning hudud ustidan suverenitetini qaytarib olishi kerakligini anglatadi. Biz Rossiyaga harbiy kuch ishlatish bilan urushni davom ettirish befoyda ekanligini ko‘rish uchun hamma narsani qilishimiz kerak».
Fridrix Mers Sara Vagenknext haqida
Yanvar oyida o‘z partiyasi - «Sara Vagenknext ittifoqi — sog‘lom fikr va adolat»ni ro‘yxatdan o‘tkazgan so‘llar sobiq yetakchisi Sara Vagenknext haqida gapirar ekan, Fridrix Mers uni «Germaniyada ko‘pchilik tomonidan qabul qilingan yuqori intellektual demagog» deb atadi.
Saksoniya, Tyuringiya va Brandenburg parlamentlari (landteglari)ga saylovlarda Germaniya siyosiy maydonida yangi bo‘lgan «Sara Vagenknext ittifoqi — sog‘lom fikr va adolat» partiyasi Turingiyada 15,8 foiz, Saksoniyada 11,8 foiz, Brandenburgda 13,5 foiz ovoz to‘plab, yuqori natijalarga erishdi.
Bu partiya dasturining asosiy bandlaridan biri Kiyevga qurol yetkazib berishdan bosh tortish va Berlinning Ukrainada diplomatik yo‘llar bilan tinchlikka erishishga qaratilgan faoliyatini kuchaytirishdir. Ayrim kuzatuvchilar Sara Vagenknext siyosatini Kreml manfaatlariga xizmat qiladi, deb tanqid ostiga oladi. Biroq, uning o‘zi bunday ayblovlarni rad etadi.
«Biz aytishimiz kerak: u (Sara Vagenknext) hech qanday kuch sarflamasdan farovonlikni va’da qiladi, u himoyasiz tinchlik va erkinlikni va’da qiladi, bu biz hozir ko‘rayotganimizdan tubdan farq qiladi», deb ta’kidladi Mers Bild nashriga bergan intervyusida. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Xalqaro jinoyat sudi Isroil bosh vaziri Netanyaxuni hibsga olishga order berdi
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Husiylar Isroil aviabazasiga gipertovushli raketa bilan zarba berdi
Turkiya o‘zining birinchi kvant kompyuterini taqdim etdi
Har payshanba jismoniy tarbiya va sport kuni sifatida belgilanadi
Josep Borrel: “Xalqaro jinoyat sudining Netanyaxuni hibsga olish bo‘yicha qarori ijro etilishi shart”
Metabolizm sekinlashganining belgilari
Superliga. OKMK safarda "Paxtakor"ni mag‘lub etdi va 11 yillik qora an’anaga chek qo‘ydi
