Foto: RIA Novosti
Shimoliy Koreya Ukrainadagi urushda har yili ishlatiladigan uch millionga yaqin artilleriya snaryadlarining yarmini Rossiyaga yetkazib bermoqda. Bu haqda The Times nashri xabar berdi.
Nashrning qayd etishicha, KXDRdan olingan ko‘p miqdordagi o‘q-dorilar nosoz bo‘lishiga qaramay, Rossiya jang maydonida muvaffaqiyatga erishdi, xususan, yaqinda Ugledar rus qo‘shinlari tomonidan qo‘lga olindi.
Britaniya nashri manbalariga ko‘ra, Rossiya prezidenti Vladimir Putinning o‘tgan iyun oyida Pxenyanga tashrifidan so‘ng, ikki davlat o‘rtasida keng qamrovli strategik sheriklik to‘g‘risidagi bitim tuzilganidan. Shundan so‘ng Rossiya KXDRdan artilleriya snaryadlari yetkazib berilishiga qaram bo‘lib qolgan.
Ukraina armiyasining Bosh razvedka boshqarmasi rahbari Kirill Budanov sentyabr oyida Rossiya aynan Shimoliy Koreya o‘q-dorilarini yetkazib berish evaziga urushda ustunlikka erishayotgani haqida ogohlantirgan.
Avvalroq Newsweek Janubiy Koreya razvedkasi ma’lumotlariga tayanib, 2022 yil o‘rtalaridan buyon KXDR Rossiyaga go‘yoki olti milliondan ortiq 152 mm artilleriya snaryadlari, shuningdek, 122 mm artilleriya snaryadlari, mobil zenit-raketa tizimlari, tankga qarshi raketalar va boshqa harbiy texnikadan iborat 13 mingdan ortiq yuk konteynerlarini jo‘natgani haqida xabar bergan.
The Times'ning qayd etishicha, urushning dastlabki yillarida Rossiya ittifoqchilari Moskvani qurol-yarog‘ bilan ta’minlashni istamagan.
“Putinning G‘arbga qarshi koalitsiya tuzish harakatlari o‘z mevasini berib, jang maydoniga o‘z ta’sirini o‘tkazayotganga o‘xshaydi”, deb yozadi nashr.
Sentyabr oyida Eron Rossiyaga 200 ta ballistik raketa jo‘natgani, Xitoy esa Rossiya mudofaa kompaniyasiga uzoq masofali dronlar yaratishda yordam bergani haqida xabar berilgan edi. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Mikroto‘lqinli pechda ovqat isitish sog‘liq uchun zararlimi?
HAMAS Tel-Avivdagi terakt uchun mas’uliyatni o‘z zimmasiga oldi
Bayden Isroilning Eron yadroviy inshootlariga zarba berishini qo‘llab-quvvatlamasligini bildirdi
Eron oliy rahbari Yaqin Sharqni Isroilga qarshi isyon ko‘tarishga chaqirdi
Argentina Malvin (Folklend) orollarini qaytarib olmoqchi
Ukraina harbiylari Rossiya uchun "kutilmagan xabar" bilan portlamaydigan minalar o‘rnatdi
Dunyodagi sayohat qilish uchun eng arzon va eng qimmat davlatlar
Selena Gomes o‘zining milliarderlik maqomiga munosabat bildirdi