Zelenskiy: “Ukraina urush tugashini xohlaydi”

^{Foto: “Rbk.ua”}
Ukraina prezidenti Vladimir Zelenskiy Rossiya Federatsiyasi bilan urushni kelasi yilgacha kechiktirmay tugatilishini istashini aytdi.

Bu haqda u Germaniya kantsleri Olaf Sholts bilan boʻlib oʻtgan matbuot anjumanida ma'lum qilgan. U Rossiya halol diplomatiya va urushning adolatli yakunlanishiga qarshilik koʻrsatishda davom etar ekan, Ukraina armiyasiga yordam miqdori kamaymasligiga, Berlin esa Tinchlik formulasini qoʻllab-quvvatlashda davom etishiga umid bildirdi.

Zelenskiy bugun Sholtsga oʻzining tinchlik rejasi haqida ma'lumot berishini aytib oʻtdi. Uning soʻzlariga koʻra, hujjatda Rossiyani urushni tugatishga majbur qiladigan moddalar bor.

“Men 2025 yildan kechikmay, urush tugashini istayman. Shuningdek, tajovuz takrorlanmasligiga kafolat olish ham muhim. Bu reja haqiqatan ham urushga nuqta qoʻyadigan samarali tinchlik sammitini oʻtkazish uchun koʻprikdir. Bu reja Ukraina pozitsiyasini mustahkamlash uchun tuzilgan”, dedi Zelenskiy.

Ukraina prezidenti bugun ertalab Berlinga etib keldi. U Sholts va mamlakat rahbari Frank-Valter Shtaynmayer bilan uchrashuvlar rejalashtirgan.

Kantsler allaqachon yil oxirigacha Ukraina Germaniya, Belgiya, Daniya va Norvegiyadan yangi yordam olishini e'lon qildi, uning qiymati 1,4 milliard evroga baholanmoqda. “Zamin” yangiliklarini “Telegram”da kuzatib boring