Foto: Bloomberg
Hindiston Xitoydan keyin Rossiyaga ikki maqsadli texnologiyalarning ikkinchi yirik yetkazib beruvchisiga aylandi. Bu haqda Amerika va Yevropa amaldorlariga tayanib, Bloomberg xabar berdi.
Qayd etilishicha, Hindiston Rossiyaning eksport qilishi cheklangan tovarlarni — mikrochiplar, mikrosxemalar va stanoklar yetkazib bermoqda. 2024 yilning aprel va may oylarida ushbu mahsulotlar eksporti 60 million dollardan oshgan — bu joriy yilning oldingi oylariga nisbatan taxminan ikki barobarga yuqori. Iyulda eksport 95 million dollargacha yetgan bo‘lib, undan faqat Xitoy oldinda.
Bu boradagi ko‘rsatkichlarning oshishiga Hindistonga neft sotish orqali Rossiyada to‘planib qolgan ulkan miqdordagi rupiy zaxirasi sabab bo‘lgan.
Bloomberg manbasining so‘zlariga ko‘ra, eksport to‘g‘risidagi ma’lumotlar Rossiya tomonidan harbiy-sanoat majmualarida foydalanilayotgan texnologiyalarning qariyb beshdan bir qismi Hindiston orqali kirib kelayotganini bildiradi.
Ushbu masalani ko‘tarayotgan Ukraina vakillari hindistonlik hamkasblaridan deyarli hech qanday javob olmagan. Hindiston Tashqi ishlar vazirligi holatga izoh berishdan bosh tortgan.
2024 yil 8 iyul kuni Hindiston bosh vaziri Narendra Modi Moskvaga tashrif buyurgan edi. Putin bilan uchrashuvda u o‘z mamlakati Rossiya va Ukraina o‘rtasida tinchlikni o‘rnatish yo‘lida har qanday yordamga tayyorligini bildirgan. Bundan tashqari, Modi Putin bilan rus armiyasidagi Hindiston fuqarolarining xizmatdan bo‘shatilishiga kelishib olgan.
Shuningdek, avgust oyida Modi Kiyevga ham tashrif buyurgan. Uning matbuot xizmati tomonidan tarqatilgan ma’lumotda aytilishicha, Modi «prezident Volodimir Zelenskiy bilan o‘tgan ikki tomonlama hamkorlikni mustahkamlash hamda mojaroni tinch yo‘l bilan hal etish borasidagi suhbatni davom ettirish imkoniyatini intiqlik bilan kutmoqda».
Hindiston, Rossiya, Taqiqlangan texnologiyalar, Yetkazib berayotgani “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Shavkat Mirziyoyev: “Falastinlik bolalar va ayollarni beg‘araz davolashga tayyormiz”
Tramp Putinga qo‘ng‘iroq qilib, Ukrainadagi urushni muhokama qildi
Immunitetni ko‘tarish uchun 6 ta eng yaxshi vitamin
Trampning o‘g‘li Zelenskiy yaqin orada «nafaqadan» mahrum bo‘lishini yozdi
Raqobat qo‘mitasi birjada Ai-80 benzini boshlang‘ich narxiga cheklov o‘rnatdi
KXDR askarlarlari urushga kirdi. Razvedka nima demoqda?
Ramzan Qodirov Allamjonovga uyushtirilgan suiqasd yuzasidan munosabat bildirdi
Kiyev: Tramp inauguratsiyasigacha «tinchlik rejalari» haqidagi gaplar asossiz
