Tramp uchinchi jahon urishi yaqin oylarda boshlanishini aytdi

^{Foto: AP Photo}
Amerika administratsiyasi harakatlari tufayli 3-4 oy ichida insoniyat jahon urushi holatiga tushib qolishi mumkin. Bu haqda AQSh prezidentligiga respublikachilar partiyasidan nomzod Donald Tramp Kaliforniyada oʻtkazilgan mitingda ma'lum qildi.

“Keyingi uch-toʻrt oy ichida bizning (hukumatdagi) odamlar tufayli jahon urushi holatiga tushib qolishimizdan xavotirdaman”, dedi siyosatchi.

Tramp agar prezident etib saylansa, Ukrainadagi urushni hal qilishi va “Yaqin Sharqdagi tartibsizlikka barham berishi” mumkinligini yana ta'kidladi.

Siyosatchi Bayden administratsiyasi harakatlarini bir necha bor tanqid qilgan. U AQSh prezidenti etib qayta saylansa, bir kun ichida Ukrainadagi urushni tugatishi mumkinligini aytgandi. Shuningdek, oʻz davrida Yaqin Sharqda urush boshlanmasligini bildirgan.

Trampning fikricha, agar u saylovda gʻalaba qozonsa, “dunyoda yana tinchlik oʻrnatiladi”, agar vitse-prezident va demokratlardan nomzod Kamala Harris yutsa, “dunyo kuyib kul boʻladi”. U dunyoning uchinchi jahon urushiga yaqinlashayotgani alomatlaridan biri sifatida Ukrainaning Rossiyaga ehtimoliy zarbalari haqidagi munozaralarni keltirdi:

“Rossiya prezidenti Vladimir Putin yadro quroli haqida gapirmoqda, Amerika prezidenti Jo Bayden esa nima deyishni bilmayapti”, degan u. “Zamin” yangiliklarini “Telegram”da kuzatib boring