Germaniyada Rossiya maxsus xizmatlari faolligi oshgani qayd etildi

^{Foto: J. Bakaitės / LRT}
Germaniya rasmiylari, 14 oktyabr, dushanba kuni Handelsblatt ishbilarmonlik gazetasida chop etilgan Germaniya Ichki ishlar vazirligi rahbari Nensi Fezerning intervyusiga koʻra, Rossiya razvedka xizmatlari faolligi oshganini qayd etmoqda. «Biz Putin rejimining tobora tajovuzkor boʻlib borayotganini koʻrmoqdamiz», dedi u bu borada. Keyinroq suhbatda vazir Rossiya razvedka xizmatlari bir qator rus agentlarining mamlakatdan chiqarib yuborilishi tufayli Germaniyada zaiflashganini ta'kidladi.

Fezerning soʻzlariga koʻra, nemis xavfsizlik xizmatlari «mamlakatni (Germaniya) Rossiya josusligi tahdidi, qoʻporuvchilik harakatlari va kiberhujumlardan himoya qilish uchun aql-bovar qilmaydigan resurslardan foydalanmoqda». Shu tariqa, bir necha oy oldin Germaniya Ichki ishlar vazirligi Moskva koʻrsatmasi boʻyicha tayyorlanayotgan portlovchi moddalar yordamida mamlakatda hujumlar sodir etilishining oldini olgan. Bu hujumlardan maqsad Germaniyaning Ukrainaga harbiy yordam koʻrsatishiga yoʻl qoʻymaslik edi, deya aniqlik kiritdi Handelsblatt suhbatdoshi.

Intervyu Germaniya parlamenti – Bundestagning Germaniya maxsus xizmatlari rahbarlari ishtirokidagi yalpi majlisi avvalida e'lon qilindi.

GFR davlat xizmatchilari va infratuzilma xodimlarini tekshirishni kuchaytiradi

Germaniya hukumati hukumat idoralari va muhim infratuzilmani josuslik va diversiyalardan himoya qilishni kuchaytirishga qaratilgan qonun loyihasini qabul qildi. Bu xodimlarni yanada samarali tekshirishni, jumladan, ijtimoiy tarmoqlardagi bayonotlarni elakdan oʻtkazishni ham oʻz ichiga oladi, deb xabar qildi Germaniya Ichki ishlar vazirligi 9 oktyabr kuni.

Konstitutsiyani himoya qilish idoralari Germaniya xavfsizligi uchun muhim boʻlgan davlat idoralari va kompaniyalar xodimlarining konstitutsiyaga zid bayonotlarini aniqlash uchun internetda koʻproq tekshiruvlar oʻtkazishi mumkin boʻladi. “Zamin”ni Telegramʻda oʻqing!