Qozogʻistonda sodir boʻlgan YTHda olti nafar Oʻzbekiston fuqarosi halok boʻldi

^{Foto: Videodan kadr}
16 oktyabr kuni Qozogʻistonning Mangʻistau oblastida sodir boʻlgan ayanchli YTH oqibatida Oʻzbekistonning olti nafar fuqarosi halok boʻldi, yana toʻrt nafari shifoxonaga yotqizildi.

Mahalliy politsiyaga koʻra, Jac rusumli engil avtomobil chegaradagi oʻtish joyida, yoʻl chetida toʻxtab turgan MAN yuk mashinasiga kelib urilgan.

«Mashinada jami 10 kishi boʻlgan. Ulardan toʻrt nafari Beyneu rayonidagi markaziy shifoxonaga yotqizilgan. Jabrlanganlarning ahvoli oʻrtacha ogʻirlikda. Bemorlarga kerakli muolajalar toʻliq hajmda koʻrsatilmoqda. Hodisa oqibatida 6 kishi halok boʻldi», — deya xabar bergan Mangʻistau oblasti ichki ishlar boshqarmasi.

YTH qatnashchilari boʻlgan avtomobillar Oʻzbekistonda roʻyxatga olingan hamda halok boʻlganlarning barchasi Oʻzbekiston fuqarolari ekani aniqlangan. Ular Rossiya Federatsiyasidan Oʻzbekistonga qaytayotgan boʻlgan.

Holat yuzasidan tergovga qadar tergov harakatlari olib borilmoqda. Shuningdek, Oʻzbekistonning Aqtau shahridagi Bosh konsulligiga xabar berilgan.

“Voqea haqida Oʻzbekistonning Aqtaudagi bosh konsulligiga xabar berildi. Voqea yuzasidan tergovga qadar tergov harakatlari boshlangan, fojianing barcha holatlarini aniqlash ishlari olib borilmoqda”, deyiladi xabarda. “Zamin” yangiliklarini “Telegram”da kuzatib boring