Eron Pokiston va Afgʻoniston bilan chegarada devor qurishni boshladi

Eron Pokiston va Afgʻoniston bilan chegaradosh beshta viloyatda devor qurishni boshladi. Bu haqda Ehgtesaad 24 Eron chegara politsiyasi qoʻmondoni, brigada generali Ahmad Ali Gudarziyga tayanib xabar berdi.

Uning tushuntirishicha, devor xavfsizlik tahdidlarini kamaytirish va noqonuniy migratsiya va yoqilgʻi, giyohvand moddalar va tovarlar kontrabandasining oldini olish uchun kerak. U Afgʻoniston va Pokiston bilan chegarada toʻsiqlar qurish ustuvor vazifa ekanini ta'kidladi.

Eslatib oʻtamiz, soʻnggi vaqtlarda Eron atrofidagi siyosiy vaziyat keskinlashdi. Asosan «Hizbulloh» a'zolari tomonidan foydalanilgan peyjerlar va ratsiyalar 17 va 18 sentyabr kunlari Livanning turli hududlarida bir vaqtning oʻzida portlaganidan keyin Yaqin Sharqdagi vaziyat yana yomonlashdi.

Livan rasmiylari voqeada Isroilni aybladi. Shundan soʻng, 19 sentyabr kuni Isroil armiyasi Livan hududiga havo hujumlarini boshladi. Isroilning Yaqin Sharqdagi keng koʻlamli harakatlari oktyabr boshidan mamlakatning Eron tomonidan raketa zarbalariga uchrashiga olib keldi. “Zamin” yangiliklarini “Telegram”da kuzatib boring