Foto: Reuters
Shimoliy Koreya Kim Chen Inga suiqasd uyushtirilishi mumkinligidan xavotirlar tufayli uning xavfsizlik choralarini kuchaytirmoqda, deya Janubiy Koreya razvedkasi ma’lumotlariga tayanib Yonhap agentligi xabar berdi.
Nashrga ko‘ra, otasi bilan tobora ko‘proq ko‘rinish berayotgan KXDR yetakchisining qizi Kim Chju Ening maqomi ham oshgan.
Parlament yig‘ilishida Janubiy Koreya Milliy razvedka xizmati (NIS) olingan ma’lumotlarni taqdim etgan. NIS'ning ta’kidlashicha, yil boshidan buyon Kim Chen In 110 marta omma oldiga chiqqan, bu 2023 yilga nisbatan qariyb 60 foizga ko‘pdir.
“Uning hayotiga suiqasdlarning oldini olish uchun aloqaga xalaqit beruvchi maxsus vositalar, shuningdek, dronlarni aniqlash uchun uskunalar qo‘llanmoqda”, deya aniqlik kiritgan Janubiy Koreya razvedkasi.
NIS, shuningdek, Shimoliy Koreya yetakchisining qizi uning merosxo‘ri sifatida o‘qitilayotganini ta’kidlagan. Qayd etilishicha, Kim Chju E o‘z faolligini, jumladan, partiya tadbirlaridagi ishtirokini bosqichma-bosqich oshirib bormoqda. U, shuningdek, Rossiyaning KXDRdagi elchisi bilan bevosita gaplashgan, rasmiy fotosuratlarda u va uning otasi shaxsiy tansoqchilar tomonidan qo‘riqlanganini ko‘rish mumkin.
Kim Chju E 2022 yil noyabr oyida otasi bilan tantanali va harbiy tadbirlarda qatnasha boshlagan edi. Janubiy Koreya mart oyida Kim Chen In o‘zining vorisi sifatida qizini tanlagani haqida xabar bergan. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Xalqaro jinoyat sudi Isroil bosh vaziri Netanyaxuni hibsga olishga order berdi
Ramzan Qodirov G‘arb davlatlariga hujum qilishga chaqirdi: “Haqiqiy urush qandayligini his qilishsin”
Qozog‘iston Ukraina atrofidagi vaziyat tufayli harbiy va fuqarolik obyektlari xavfsizligini kuchaytirdi
22 noyabr kuni Cobalt avtomobiliga shartnoma ochilishi e’lon qilindi
Diniy qo‘mita Umra ziyoratini tashkil qilish uchun 12 ta turfirmaga litsenziya berdi
Xonanda Ruxshona uylanmagan yigitga turmushga chiqqani haqida so‘zlab berdi
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
KXDR o‘z askarlarini urushga yuborish evaziga Rossiyadan havo hujumidan mudofaa vositalarini olgan
