Zelenskiy Oq uy sir saqlay olmasligidan shikoyat qildi

^{Foto: AP Photo}
Ukraina rahbari Vladimir Zelenskiy Oq uydan maxfiy ma’lumotlarning sizib chiqishidan noroziligini bildirdi. Unga ko‘ra, Ukraina AQSHdan kutayotgan harbiy yordam tafsilotlari jamoatchilikka muddatidan avval ma’lum bo‘lgan.

“Ommaviy axborot vositalarida nima bo‘layotganini ko‘rasiz. Ularning ta’kidlashicha, Ukraina juda ko‘p raketalarni, masalan, Tomahawk va boshqalarni olishni xohlaydi. Ammo bu Ukraina va Oq uy o‘rtasidagi maxfiy ma’lumotlar edi. Demak, bu hamkorlar o‘rtasida hech qanday maxfiy narsa yo‘qligini anglatadi”, deydi Zelenskiy.

Ushbu voqealar munosabati bilan Zelenskiy Ukrainaning hozirgi mudofaa ehtiyojlari kontekstida mamlakatlar o‘rtasidagi ishonchli munosabatlarni saqlab qolish muhimligini ta’kidlagan. U bu kabi ma’lumotlarning ikki tomonlama hamkorlik kelajagiga salbiy ta’siridan xavotir bildirgan.

Avvalroq Ukraina prezidenti Zelenskiyning g‘alaba rejasidagi e’lon qilinmagan qismida Ukrainaga Tomahawk qanotli raketalarini yetkazib berish bo‘yicha so‘rov borligi ma’lum bo‘lgan edi.

“So‘rov 'yadroviy bo‘lmagan to‘siq' bo‘yicha chora-tadbirlar paketining bir qismidir”, deya xabar berdi The New York Times. “Zamin” yangiliklarini “Facebook”da kuzatib boring