Olimlar 400 yillik qiz ko‘rinishini qayta tikladi (foto)

^{Foto: Reuters}
Polshalik mutaxassislar DNK, 3D printer va loy yordamida taxminan 400 yil avval yashagan qiz ko‘rinishini qayta tikladi. Mahalliy aholi orasida Zosia deb nomlangan ushbu qiz qoldiqlari 2022 yilda Polshaning Nikolay Kopernik universiteti arxeologlari tomonidan aniqlangan. Bu haqda Sky News xabar berdi.

Qoldiqlar bo‘yin qismida o‘roq bilan mahkamlangan, oyog‘iga esa osma qulf osilgan holda aniqlangan. O‘sha davrda o‘roq va qulf, shuningdek, qabr yonidan topilgan ayrim yog‘och turlari vampirlardan himoya qiluvchi sehrli xususiyatlarga ega deb qaralgan.

Zosianing jasadlari tahlili shuni ko‘rsatadiki, u vafot etgan paytda 18-20 yoshda bo‘lgan. Qiz hushdan ketish, kuchli bosh og‘rig‘i va ruhiy salomatlik bilan bog‘liq muammolarga olib kelishi mumkin bo‘lgan kasallikdan aziyat chekkan.

^{Foto: Reuters}
Mutaxassislar rekonstruksiyani 3D printerda bosh suyagining nusxasini yaratishdan boshlagan, keyin esa realistik yuzni shakllantirish uchun plastilin qatlamlarini asta-sekin kengaytirgan. Yuz chuqurligini baholashda suyaklar tuzilishi jins, yosh, etnik kelib chiqish va taxminiy vazn ma’lumotlari bilan birga hisobga olingan.

^{Foto: Reuters}
Zosianing hayoti haqida oz narsa ma’lum, ammo mutaxassislar, u boy, ehtimol, aslzoda oiladan bo‘lishi mumkinligini ta’kidlaydi.

^{Foto: Reuters} “Zamin” yangiliklarini “Telegram”da kuzatib boring