Foto: Friedemann Kohler/dpa/picture alliance
Ukraina rasmiylari 563 nafar ukrainalik harbiyning jasadlari qaytarilgani haqida xabar berdi. 8 noyabr, juma kuni Ukrainaning harbiy asirlar bilan ishlash bo‘yicha muvofiqlashtiruvchi shtabi Telegram'da bildirishicha, Donetsk yo‘nalishida 320 nafar halok bo‘lganlarning jasadi qaytarildi.
Bayonotda yana 89 nafar halok bo‘lgan askarning jasadi Baxmut yo‘nalishidan, 154 nafari Rossiya Federatsiyasidagi o‘likxonalardan qaytarilgani aytiladi. Operatsiya "SBU"ning Birlashgan markazi, Ukraina Ichki ishlar vazirligi, Oliy radaning Inson huquqlari bo‘yicha vakili ofisi, Alohida vaziyatlarda bedarak yo‘qolganlar bo‘yicha vakil kotibiyati, Ukraina Qurolli kuchlari, Ukraina mudofaa sektorining boshqa tuzilmalari, shuningdek, Xalqaro Qizil Xoch qo‘mitasi bilan hamkorlikda o‘tkazildi. Jasadlar va qoldiqlar topshirilgandan so‘ng ularning shaxsini aniqlash amalga oshiriladi.
RBK: 37 askarning jasadi Rossiyaga qaytarildi
Ayni paytda, RBK Davlat dumasi deputati Shamsail Saraliyevga tayanib yozishicha, Rossiya o‘zining halok bo‘lgan 37 nafar harbiy xizmatchisining jasadini qaytargan. Bu rasman e’lon qilinmadi.
AFP ta’kidlaganidek, bu urush boshlanganidan beri ukrainalik askarlarning jasad qoldiqlarini qaytarish bo‘yicha eng yirik aksiyalardan biridir. Asirlar va halok bo‘lgan harbiylarning jasadlarini almashish Rossiya va Ukraina hukumatlari o‘rtasidagi hamkorlikning so‘nggi yo‘nalishlaridan biriga aylandi. Birgina joriy yilning o‘zida 2100 dan ortiq harbiy xizmatchilarning jasadi Ukrainaga qaytarildi, deb yozadi dpa rasmiy ma’lumotlarga tayanib. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Xalqaro jinoyat sudi Isroil bosh vaziri Netanyaxuni hibsga olishga order berdi
Dunyoning mashhur ayollari kunni qanday boshlaydi?
Diniy qo‘mita Umra ziyoratini tashkil qilish uchun 12 ta turfirmaga litsenziya berdi
22 noyabr kuni Cobalt avtomobiliga shartnoma ochilishi e’lon qilindi
Xonanda Ruxshona uylanmagan yigitga turmushga chiqqani haqida so‘zlab berdi
Baydenning ruxsati urushning borishiga qanday ta’sir qiladi?
AQSH Adliya vazirligi Google'dan Chrome'ni sotishni talab qiladi
Tramp g‘alabasidan keyin Qo‘shma Shtatlarni butunlay tark etishni rejalashtirayotgan Gollivud yulduzlari
