Foto: The Sun
Donald Trampning urushni to‘xtatish rejasi doirasida 1200 kilometrli xavfsizlik bufer zonasini qurish uchun Britaniya qo‘shinlari Ukrainaga yo‘naltirilishi mumkin, deb xabar beradi The Telegraph. Ushbu tafsilotlar Trampning saylovdagi g‘alabasi va uning Ukraina prezidenti Volodimir Zelenskiy bilan telefon orqali suhbatidan so‘ng ma’lum bo‘ldi.
Trampning rejasiga ko‘ra, front chizig‘i bo‘ylab demilitarizatsiya zonasi yaratiladi, Ukraina esa 20 yil davomida NATOga a’zo bo‘lmaslik majburiyatini oladi. Buning evaziga AQSH Rossiyaning yangi bosqiniga yo‘l qo‘ymaslik uchun Ukrianaga qurol yetkazib berishni davom ettiradi. Shu bilan birga, Qo‘shma Shtatlar buffer zona xavfsizligini ta’minlash uchun o‘z qo‘shinlarini joylashtirish va mazkur missiyani moliyalashtirish niyatida emas.
AQSH o‘z harbiylarini Ukrainaga yubormasligi haqida avvalroq The Wall Streat Journal Tramp jamoasi vakillariga tayanib xabar bergandi. «Buni yaxshisi polyaklar, nemislar, britan va fransuzlar qilsin», — degan nashr manbasi.
Buyuk Britaniya g‘aznachiligi sobiq kansleri Jorj Osborn London AQSH yordamisiz Ukrainani qo‘llab-quvvatlashga qiynalishini aytgandi. Kiyev tinchlik o‘rnatish bo‘yicha Trampning taklifini eshitishga tayyorligini bildirgan bo‘lsa-da, Rossiya foydasiga bo‘ladigan har qanday shartlarga qarshilik ko‘rsatishini ma’lum qilgandi.
Sentyabr oyida Respublikachilar partiyasidan AQSH vitse-prezidentligiga nomzod Jey-Di Vens Trampning rejasiga ko‘ra, front chizig‘ida demilitarizatsiya zonasini tashkil etish va Ukraianing NATOga a’zo bo‘lmasligi haqida ekanini aytgandi. Ammo Zelenskiy o‘shanda ushbu taklifni «radikal» va «qabul qilib bo‘lmas» deb atab, Ukrainada shunchaki o‘z hududlaridan voz kechish taklif etilayotganini ta’kidlagandi.
Tramp o‘zining saylovoldi kampaniyasida bir necha bor g‘alaba qozonsa, 2025 yil yanvarda lavozimga kirishguniga qadar Ukrainada urushni to‘xtatishini va buni «atigi 24 soatda» amalga oshirishni va’da qilgandi. Shu bilan birga, u neft narxini tushirib yuborish tahdidi orqali Putinni muzokaralarga jalb etish niyatida ekanini bildirgan. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Rossiya Kursk viloyatidagi hududlarini qaytarib olishga 50 ming harbiy to‘pladi
Tomoshabinlar nafratiga uchragan, saratonni yenggan turk aktrisasi — Vahide Perchinning murakkab taqdiri
Frontdagi vaziyat: Rossiya harbiylari Kursk oblastida qarshi hujumga tayyorlanmoqda
Ukraina QK bosh qo‘mondoni: “Frontdagi vaziyat murakkab va keskinlashishi mumkin”
Immunitetni ko‘tarish uchun 6 ta eng yaxshi vitamin
NATO sobiq qo‘mondoni: “Putin Ukrainaning taxminan 20 foizini qo‘lga kiritadi”
AQSH Isroilga puli to‘langan buldozerlarni bermadi
Tramp Putinga qo‘ng‘iroq qilib, Ukrainadagi urushni muhokama qildi
