Foto: Getty Images
Rossiya Sharqiy Yevropadagi davlatlardan biriga hujum qilgan taqdirda Buyuk Britaniya qurolli kuchlari ularni himoya qilish uchun hatto “bugun kechqurun” ham jangovar harakatlarni boshlashga tayyor. Bu haqda Britaniya mudofaa shtabi boshlig‘ining o‘rinbosari, general-leytenant Rob Magovan ma’lum qildi.
"Agar Britaniya armiyasidan bugun kechqurun jang qilish so‘ralsa, u shak-shubhasiz jangga kirishardi. Menimcha, bu zaldagi hech kimda shubha bo‘lmasligi kerakki, agar ruslar bugun kechqurun Sharqiy Yevropaga bostirib kirsalar, biz ular bilan jangda to‘qnash kelamiz", dedi Rob Magovan Jamoatlar palatasining mudofaa qo‘mitasida.
Shu tariqa u parlament a’zolarining Rossiya tomonidan jiddiy keskinlik yuzaga kelgan taqdirda Buyuk Britaniya NATOning sharqiy qanotiga tashlashi mumkin bo‘lgan brigadalar soni haqidagi savoliga javob berdi.
Magovan 2022 yil may oyida Britaniya mudofaa shtabi boshlig‘ining o‘rinbosari bo‘ldi. Uning vakolatiga mudofaaning barcha yo‘nalishlarini strategik rivojlantirish kiradi. U strategik qurollantirish dasturlarini amalga oshirish uchun ham mas’uldir.
Foto: Rob Magovan / United24
Magovan 2024 yil mart oyida Buyuk Britaniya zaxiralar va o‘q-dorilarning yetishmasligi tufayli Rossiyaga qarshi mojaroda ikki oydan ortiq vaqt davomida yakka o‘zi turib bera olmasligini aytgandi. Mudofaa vaziri Grant Shapps esa bunday ehtimoliy to‘qnashuvda Buyuk Britaniya NATOning boshqa a’zolari bilan hamkorlikda ishtirok etishini ta’kidlagan.
Rasmiy ma’lumotlarga ko‘ra, Britaniya armiyasida 72 510 nafar professional harbiy xizmat qilmoqda. Bu Napoleon urushlari davridan beri rekord darajadagi past ko‘rsatkichdir, deb yozmoqda The Telegraph. Business Insider'ning yozishicha, Britaniya armiyasi hozirda Ruminiya va Bangladesh qurolli kuchlaridan kamroq, Kanada va Armanistonnikidan esa ko‘proq.
Rossiya prezidenti Vladimir Putin 2023 yil dekabr oyida Rossiyaning NATO davlatlari bilan urush qilish uchun “hech qanday sababi yo‘qligini, na geosiyosiy, na iqtisodiy, na siyosiy va na harbiy manfaatlari borligini” ta’kidlagandi. NATO rahbariyati ham Rossiya bilan mojaro izlamayotganini qayd etib kelmoqda. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
22 noyabr kuni Cobalt avtomobiliga shartnoma ochilishi e’lon qilindi
Xonanda Ruxshona uylanmagan yigitga turmushga chiqqani haqida so‘zlab berdi
Dunyoning mashhur ayollari kunni qanday boshlaydi?
Diniy qo‘mita Umra ziyoratini tashkil qilish uchun 12 ta turfirmaga litsenziya berdi
Xalqaro jinoyat sudi Isroil bosh vaziri Netanyaxuni hibsga olishga order berdi
Ramzan Qodirov G‘arb davlatlariga hujum qilishga chaqirdi: “Haqiqiy urush qandayligini his qilishsin”
"JCH-2026" saralashi. O‘zbekiston qiyinchilik bilan KXDRni mag‘lub etdi
