Germaniya razvedkasi rahbari: “Rossiya yaqin yillarda NATOga hujum qilishi mumkin”

^{Foto: FAZ}
Rossiya yaqin yillarda NATO mamlakatlariga hujum qilishi mumkin. Bu haqda Germaniya razvedka xizmati rahbari Bruno Kalga tayanib, Zeit nashri yozmoqda.

Razvedka rahbariga ko‘ra, Rossiya armiyasi o‘n yillik oxirigacha shaxsiy tarkib va texnik ta’minot nuqtayi nazaridan NATO mamlakatlariga hujum qilishga tayyor bo‘ladi. Bu hujum cheklangan xususiyatga ega bo‘lishi mumkin.

U Rossiya Norvegiyaning Shpitsbergen oroliga go‘yoki hududni tozalash yoki Boltiqbo‘yi mamlakatlariga rus tilida so‘zlashuvchi aholini himoya qilish bahonasida bostirib kirishi ehtimolini keltirdi.

Germaniya razvedkasi rahbari bunday harakatlar Shimoliy Atlantika shartnomasining 5-moddasida mustahkamlangan jamoaviy xavfsizlik tamoyiliga putur yetkazishga qaratilganini tushuntirdi. Bu NATOni zaiflashtirish yoki yo‘q qilishga urinish bo‘lishi mumkin, dedi u.

Rossiya NATOga hujum qilishi mumkinmi?

Ukraina hukumati urushda g‘alaba qozongan taqdirda, Rossiya rejimi Ukraina bilan to‘xtab qolmasligini bir necha bor ta’kidlagan. Estoniya razvedkasiga ko‘ra, Rossiya allaqachon yangi urushga hozirlik ko‘rmoqda, bu 10 yil ichida sodir bo‘lishi mumkin. NATO bilan to‘g‘ridan to‘g‘ri to‘qnashuv istisno qilinmagan.

Bir qator G‘arb davlatlari ham Rossiya yaqin kelajakda NATO hududiga bostirib kirishi mumkinligidan xavotirda. Germaniya mudofaa vaziri Boris Pistoriusning so‘zlariga ko‘ra, Rossiya 2029 yilgacha NATOga hujum qilishi mumkin. Bundan tashqari, NATO allaqachon Rossiyaning ehtimoliy hujumiga qarshi mudofaa rejasini ishlab chiqqan. “Zamin” yangiliklarini “Odnoklassniki”da kuzatib boring