Nobel mukofoti sovrindorlari taqdirlandi (foto)

^{Marosim mehmonlari va 2024 yilgi Nobel laureatlari
Foto: Reuters}
Stokholm filarmoniyasida Shvetsiya qiroli Karl XVI Gustav tibbiyot, fizika, kimyo, adabiyot va iqtisodiyot bo‘yicha 11 nafar Nobel laureatiga diplom hamda oltin medallarni topshirdi.

Joriy yilda mukofot puli 11 million shved kronasini (1 million dollarga yaqin) tashkil etdi. Tantanali marosim har yilgidek Alfred Nobel vafot etgan kun munosabati bilan 10 dekabr kuni tashkillashtirildi.

Nobel mukofotining 2024 yilgi sohiblari:

^{Nobel mukofoti laureatlari (chapdan o‘ngga): Viktor Ambros, Geri Ravkan, Xan Gan, Daron Ajemo‘g‘li va Saymon Jonson
Foto: EPA}
Tibbiyot bo‘yicha — amerikalik olimlar Viktor Ambros va Geri Ravkan (mikroRNKni kashf qilgani uchun);

<sup>Fizika bo‘yicha Nobel mukofotiga loyiq ko‘rilgan britaniyalik Jeffri Hinton
Foto: Reuters

Fizika bo‘yicha Nobel mukofoti laureati Jon Xopfild
Foto: EPA</sup>
Fizika bo‘yicha — amerikalik Jon Hopfild hamda britaniya-kanadalik Jeffri Hinton (sun’iy neyron tarmoqlari yordamida Machine Learning‘ning asosini tashkil etuvchi fundamental kashfiyotlar va ixtirolar uchun);

<sup>Amerikalik Devid Beyker kimyo bo‘yicha Nobel mukofotini qabul qilib olmoqda
Foto: EPA

Kimyo bo‘yicha Nobel mukofotini, shuningdek, Jon Jamper va Demis Xassabis ham qo‘lga kiritdi
Foto: EPA</sup>
Kimyo bo‘yicha — Devid Beyker, Demis Xassabis va Jon Jamper (oqsilning uch o‘lchamli tuzilishi prognozi» va «oqsilning kompyuter dizayni uchun);

^{Janubiy koreyalik yozuvchi Xan Gan «tarixiy jarohatlarga qarshi kurashadigan va inson hayotining nozikligini aks ettiruvchi kuchli she’riy nasri» uchun mukofotlandi.
Foto: Reuters}
Adabiyot bo‘yicha — Janubiy koreyalik yozuvchi Han Kangga (tarixiy jarohatlarga qarshi kurashadigan va inson hayotining nozikligini ochib beradigan ta’sirli she’riy nasri uchun);

^{Foto: EPA}
Tinchlik uchun — Nihon Hidankyo tashkilotiga (Hirosima va Nagasakidagi atom bombasidan omon qolganlarni birlashtirgani uchun);

Iqtisodiyot bo‘yicha — Daron Ajemo‘g‘li, Saymon Jonson va Jeyms Robinsonga (institutlarning shakllanish jarayonlari va ularning iqtisodiy farovonlikka ta’sirini tadqiq qilgani uchun).

^{Shvetsiya qiroli Karl XVI Gustav, shahzoda Daniel, qirolicha Silviya va valiahd malika Viktoriya marosimda
Foto: EPA}
Nobel mukofotini birinchi topshirish marosimi 1901 yil 10 dekabrda o‘tkazilgan. Shundan buyon 1000 ga yaqin kishi va tashkilotlar uning laureatiga aylangan.

^{Foto: EPA}
Taqdirlash marosimidan keyin mehmonlar an’naviy ravishda bayram banketiga, so‘ng Nobel baliga yo‘l oldi.

^{Foto: EPA}
Yana bir tantanali marosim Osloda bo‘lib o‘tdi — tinchlik bo‘yicha Nobel mukofoti Yaponiyaning Nihon Hidankyo tashkilotiga topshirildi.

Нобел мукофоти, Топшириш маросими, Совриндорлар, Швеция қироли “Zamin” yangiliklarini “Instagram”da kuzatib boring