AQSH qo‘mondonligi ma’lumotiga ko‘ra, F/A-18 Hornet samolyoti Amerika harbiy kemasidan uchirilgan raketa bilan urib tushirilgan. Ekipajning ikki a’zosi ham katapulta qilingan va omon qolgan, pilotlardan biri yengil tan jarohati olgan.
«USS Harry S Truman aviatashuvchi zarbdor guruhi tarkibidagi USS Gettysburg raketa kreyser tasodifan zarba berib, USS Harry S Truman aviatashuvchisidan havoga ko‘tarilgan F/A-18 Hornet samolyotini urib tushirdi», — deyilgan xabarda.
Hodisa amerikalik harbiylar Yaman poytaxti Sano shahrida husiychilarning raketa saqlash obyekti hamda qo‘mondonlik punktiga bir necha havo zarbalari yo‘llashidan keyin sodir bo‘lgan.
AQSH harbiylari xuddi shu pallada Eron qo‘llovidagi husiychilar tomonidan uchirilgan bir necha dron va kemalarga qarshi raketalarni ham urib tushirganini qo‘shimcha qilgan.
AQSH harbiylari urib tushirilgan samolyot husiychilarga qarshi amaliyotda ishtirok etgani yoki yo‘qligiga aniqlik kiritmagan.
Husiychilarning kemalar bo‘ylab zarbalari
Amerika qo‘mondonligi Sano bo‘ylab zarbalar husiychilarning AQSH kemalari, shuningdek, Qizil dengiz janubida, Bob-al-Mandib bo‘g‘ozi va Adan ko‘rfazida suzuvchi boshqa savdo kemalariga hujumlarining oldini olishga qaratilganini ma’lum qilgan.
Husiychilar 2023 yil oktyabrida, Hamasning Isroil hududiga hujum qilishi ortidan G‘azo sektorida falastinliklar guruhiga qarshi amaliyot boshlangach, Isroil hamda boshqa davlatlarga tegishli kemalar bo‘ylab raketalar va dronlar orqali hujum qila boshladi.
2023 yil noyabrida shunday zarbalar oqibatida Qizil dengizda ikkita kema cho‘ktirib yuborilgandi. Husiychilar biror dalil keltirmagan holda faqat Isroil, AQSH yoki Buyuk Britaniyaga aloqador kemalarni nishonga olayotganini bildirgan.
Husiychilarning harakatlariga javoban AQSH, Buyuk Britaniya va yana 12 mamlakat muhim savdo yo‘llari o‘tuvchi Qizil dengizdagi kemachilik muhofazasi bo‘yicha amaliyot boshlagan.
Shanba kuni isroillik harbiylar Yamandan uchirilgan raketalardan birini urib tushira olmagani va u Tel-Avivdagi xiyobonlardan biriga tushganini ma’lum qildi. Isroil favqulodda xizmatlari 16 kishi derazalar siniqlari tushishi tufayli yengil tan jarohati haqida ma’lum qilgan. Yana 14 kishi boshpanalarga yashirinishga uringanida yaralangan.
Shanba kuni husiychilar raketasi Tel-Aviv bo‘ylab zarba bergandi
Husiychilar vakili bu zarba tovushdan tez harakatlanuvchi raketa orqali amalga oshirilganini aytgan.
Hafta boshida Isroil Yaman bo‘ylab zarbalar yo‘llagandi, Sanodagi port va energetika infratuzilmalari hujum nishoni bo‘lgan. Husiychilar orasidagi manba zarbalar oqibatida to‘qqiz kishi halok bo‘lganini bildirgan.
Husiychilar G‘azodagi urush yakunlanmagunicha zarba berishda davom etishni va’da qilgan. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Germaniyada Rojdestvo yarmarkasida terakt sodir etildi
General Kirillovning qotillik ishi ochilishida O‘zbekiston tomoni ham ishtirok etadi
Mask Ukrainaga yordam berishni AQSHning eng yomon qarorlaridan biri deb atadi
Shavkat Mirziyoyev rossiyalik generalning o‘limi munosabati bilan Putinga hamdardlik bildirdi
Jakartada "Imom Buxoriy: O‘zbekiston islom san’ati" ko‘rgazmasi ochildi
Putin Suriyadagi vaziyatdan foyda ko‘rgan davlat nomini aytdi
Turkiy davlatlar feyk va dezinformatsiyaga qarshi birgalikda kurashadi
Ilon Mask: “Yevropa davlatlari yo‘q bo‘lib ketish xavfi ostida”
