Foto: Ahn Young-joon/AP
Shimoliy Koreya qo‘shinlarini Ukrainaga qarshi urushda qatnashish uchun Rossiyaga yuborish g‘oyasi Moskvadan emas, Pxenyandan chiqqan, deb yozadi The New York Times (NYT) 23 dekabr, dushanba kuni o‘z manbalariga tayanib. Uning so‘zlariga ko‘ra, bu tashabbus Moskva va Pxenyan o‘rtasida strategik sheriklik to‘g‘risidagi bitim imzolangandan so‘ng darhol paydo bo‘lmagan. «AQSH razvedka idoralari bu Rossiyaning emas, Shimoliy Koreyaning g‘oyasi degan xulosaga keldi, garchi prezident Vladimir Putin buni tezda qabul qilgan bo‘lsada», deb yozadi NYT.
Biroq, materialda ta’kidlanganidek, Shimoliy Koreya «yordam» evaziga «darhol hech narsa olmadi» va uning rahbari Kim Chen In hozirda Moskvadan kelajakda — texnologiya, diplomatik yordam ko‘rinishida minnatdorchilikka umid qilmoqda. Bu G‘arb bilan qarama-qarshilik va inqirozli vaziyatlarda RFning boshqa harakatlarini ham nazarda tutadi, deydi manbalar.
Ukraina: Rossiya KXDR askarlariga soxta hujjatlar beryapti
Rossiya Ukrainaga qarshi urushda foydalanadigan Shimoliy Koreya askarlariga ularning frontda borligini yashirish uchun soxta guvohnomalar beryapti. Buni 22 dekabr kuni ijtimoiy tarmoqlarda bayonot e’lon qilgan Ukraina Qurolli kuchlarining Maxsus operatsiyalar kuchlari (MOK) tasdiqladi.
Bu ma’lumotni tasdiqlash uchun Telegram'dagi postda bir necha erkakning jasadlari suratlari, shuningdek, ularning harbiy guvohnomalari chop etildi. Ushbu hujjatlar ularning egalari Tiva Respublikasida tug‘ilganligini ko‘rsatadi, shaxsiy imzolar esa koreys tilida qilingan.
Xabarga ko‘ra, gap Rossiya Federatsiyasining Kursk oblastida soxta nomlar ostida janglarda qatnashgan Shimoliy Koreya askarlari haqida ketmoqda. «Ushbu harbiy guvohnomalarda barcha muhrlar mavjud emas, fotosuratlar, otasining ismi ruscha tarzda taqdim etilgan va tug‘ilgan joyi Tiva Respublikasi deb imzolangan», deb ta’kidlaydi MOK.
Ukraina Qurolli kuchlarining maxsus operatsiyalar kuchlari ruslar «jang maydonidagi yo‘qotishlarini yashirish va xorijiy kuch mavjudligini yashirish» uchun bunday choralarga murojaat qilmoqda, deb hisoblamoqda. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Panama prezidenti Trampning tahdidlariga qanday javob qaytardi?
Ekspert: Rossiyaga qarshi sanksiyalardan O‘zbekiston va Qirg‘iziston ko‘proq foyda ko‘rdi
Alisher Usmonov urush boshlanganidan buyon qanday qilib 13,4 mlrd dollarga boyidi?
Grenlandiya Donald Trampga orol sotilmasligini eslatib qo‘ydi
Turkiyada tibbiy vertolyot shifoxona binosiga urilib, qulab tushdi
23 dekabr kuni kutilayotgan ob-havo prognozi ma’lum qilindi
O‘zbekiston JSTga a’zo bo‘lish doirasida AQSH bilan bayonnoma imzoladi
"Atletiko" so‘nggi soniyalarda gol urib, "Barselona"ni mehmonda mag‘lub etdi (video)
