Putin MDH rahbarlarini qanday noz-ne'matlar bilan mehmon qildi?

^{Arxiv foto: Sputnik}
Rossiyaning Leningrad viloyatida 25 dekabr kuni MDHga a'zo davlatlar rahbarlarining norasmiy uchrashuvi boʻlib oʻtdi. Uchrashuvni Rossiya prezidenti Vladimir Putin ochib berdi.

Yopiq eshiklar ortidagi muloqotdan soʻng davlat rahbarlari norasmiy nonushtaga oʻtishdi. Taomlar roʻyxatini Belarus prezidentiga yaqin boʻlgan “Pul Pervogo” Telegram kanali e'lon qildi.

Uchrashuv ishtirokchilariga qisqichbaqa, qora ikra va avokado solingan tartaletkalar, yoʻlbars krevetkali salat va mango taklif etildi. Bundan tashqari, tanlov uchun oʻrdakli vareniklar, mol goʻshti va rayhonli bulyon, bugʻda pishirilgan osyotr baligʻi, qisqichbaqali golubets, smetana va kartoshka bilan tortiladigan tovuq goʻshti, mramor mol goʻshtidan medalonlar va kedr yongʻogʻi qoʻshilgan rizotto bor edi.

Davlat rahbarlari shirinlik sifatida quritilgan qulupnay va plombirli smetannikni tatib koʻrishlari mumkin edi. MDH davlatlari rahbarlarining norasmiy uchrashuvi Sankt Peterburg yaqinidagi “Igora” kurort majmuasida boʻlib oʻtdi.

An'anaga koʻra, uchrashuv har yili dekabr oyining oxirida Sankt Peterburgda oʻtkaziladi. Sammitda Rossiya, Belarus, Qozogʻiston, Qirgʻiziston, Tojikiston, Turkmaniston va Oʻzbekiston rahbarlari ishtirok etdi.

Armaniston bosh vaziri Nikol Pashinyan koronavirus yuqtirgani sababli sammitda qatnasha olmasligini aytdi. Ozarbayjon prezidenti Ilhom Aliev esa Oqtovdagi aviahalokat tufayli Rossiyaga tashrifini toʻxtatdi. “Zamin” yangiliklarini “Telegram”da kuzatib boring