Oq boshli burgut rasman AQShning milliy qushiga aylandi

AQSh prezidenti Jo Bayden «oq boshli burgut»ni mamlakat milliy qushi sifatida rasman tan olishni nazarda tutuvchi qonunni imzoladi.

AQShning 240 yildan ortiq ramzi boʻlib kelgan oq boshli burgut rasman mamlakat milliy qushiga aylandi, deb xabar bermoqda Axios axborot sayti. Tegishli hujjat Jo Bayden tomonidan imzolangan.

Oq boshli burgut belgisi dastlab 1782 yilda AQShning rasmiy hujjatlarida qoʻllanila boshlangan. Oq boshli burgut tasvirini koʻplab Amerika hujjatlarida, jumladan gerb, prezident standarti, banknotalar va boshqa hukumat atributlarida koʻrish mumkin.

Ta'kidlanishicha, vakolat muddati yakunlanayotgan Bayden jami 50 ta qonun loyihasini imzolagan.

Shimoliy Amerikada yashovchi va qit'aning eng yirik yirtqich qushlaridan biri boʻlgan oq boshli burgut, rasmiy hujjatlarda tilga olinganiga qaramay, hozirgacha mamlakatning milliy qushi deb e'lon qilinmagan. “Zamin” yangiliklarini “Telegram”da kuzatib boring