Seul gʻarbiy okrug sudi Yun Sok Yolni hibsga olish uchun qarorni tasdiqladi

Seul gʻarbiy okrug sudi 3 dekabr kuni mamlakatda harbiy holat joriy etish toʻgʻrisidagi qarori tufayli hokimiyatdan chetlatilgan Koreya Respublikasi (KR) prezidenti Yun Sok Yolni hibsga olish orderini ma'qulladi. Bu haqda 31 dekabr, seshanba kuni tergov idoralari va yuqori lavozimli amaldorlar oʻrtasidagi korruptsiyani tergov qilish departamentiga tayanib, Reuters agentligi xabar berdi.

Yonhap agentligining aniqlik kiritishicha, mamlakat konstitutsiyaviy tarixida birinchi marta amaldagi davlat rahbarini hibsga olish uchun order berilgan. Agentlik ma'lumotlariga koʻra, tintuv uchun order ham taqdim etilgan. Yaqin kunlarda prokuratura hibsga olish haqidagi buyruqni, jumladan, prezident qarorgohida ham bajarishga kirishishi kutilmoqda.

Janubiy Koreyaning lavozimidan chetlatilgan prezidenti soʻroqqa chaqirildi

Janubiy Koreyaning lavozimidan vaqtincha chetlashtirilgan prezidenti Yun Sok Yol prokuraturaga soʻroqqa chaqirildi. U e'lon qilingan harbiy holat tufayli isyon koʻtarishga urinish va hokimiyatni suiiste'mol qilishda ayblanmoqda, deb xabar berdi Janubiy Koreyaning Yonhap axborot agentligi 17 dekabr kuni.

Agentlikning aniqlik kiritishicha, bu Yun Sok Yoolga prokuraturaga kelish talabi bilan yuborilgan ikkinchi chaqiruv qogʻozi — u birinchisiga e'tibor bermagan.

Prokuraturadan mustaqil ravishda Yun Sok Yolni politsiya, yuqori hukumat amaldorlari oʻrtasidagi korruptsiyani tergov qilish boshqarmasi va Janubiy Koreya mudofaa vazirligining tergov departamenti vakillaridan iborat qoʻshma tergov guruhi tomonidan soʻroqqa chaqirilgan. Ushbu chaqiruv qogʻoziga koʻra, toʻxtatilgan prezident chorshanba kunigacha kelishi kerak.

Xabarlarga koʻra, tergovchilar, shuningdek, prezidentning telefon qoʻngʻiroqlari yozuvlarini olish maqsadida uning xavfsizlik idorasida reyd oʻtkazgan.

Yun Sok Yolning oʻzi avvalroq fitna boʻyicha ayblovlarni rad etgan edi. “Zamin” yangiliklarini “Telegram”da kuzatib boring