Ilon Mask Jo Baydenni davlatga xiyonatda aybladi

^{Kollaj: NDTV}
Amerikalik milliarder Ilon Mask Meksika bilan chegarada devor qurilishi uchun materiallar sotgani sababli prezident Jo Bayden ma'muriyatini davlatga xiyonatda aybladi.

Milliarder bu haqda X (sobiq Twitter) ijtimoiy tarmogʻida yozdi. “Bu yuz foiz davlatga xiyonat”, dedi Ilon Mask. U bu fikrini tarmoq foydalanuvchilaridan birining Bayden ma'muriyati devor uchun materiallarni sotib, chegaradagi toʻsiqlarni buzib, migrantlar uchun ataylab yoʻl ochgani haqidagi postiga javoban yozdi.

Oktyabr oyida Bayden Respublikachilar partiyasidan nomzod Donald Trampni qoʻllab-quvvatlagan va uning saylovoldi kampaniyasiga katta mablagʻ sarflagan Ilon Maskning 1990 yillarda AQShda qonuniy maqomga ega boʻlmagan holda oʻz boyligini orttirganini aytgandi.

AQSh prezidentiga koʻra, Maskning uni keyinchalik millionerga aylantirgan startapni yaratish uchun huquqiy asosi boʻlmagan. Bunga javoban Mask oʻzining birinchi startapiga asos solgan paytda AQShda ishlash ruxsatnomasiga ega boʻlganini aytdi. “Zamin” yangiliklarini “Youtube”da kuzatib boring