Blinken: “AQSh Ukrainaga urush boshlanishidan oldin yashirincha qurol berishni boshlagan”

^{Foto: Global Look Press}
Qoʻshma Shtatlar Rossiya-Ukraina urushi boshlanishidan ancha oldin Kiyev hukumatini turli xil qurollar, xususan, Stinger zenit-raketa tizimlari va Javelin tankka qarshi tizimlari bilan ta'minlashni boshlagan. Bu haqda AQSh davlat kotibi Entoni Blinken The New York Times gazetasiga bergan intervyusida ma'lum qildi.

“Biz maxsus operatsiya boshlanishidan ancha oldin, 2021 yilning sentyabrida, keyin esa dekabr oyida Ukrainaga katta miqdordagi qurollarni, xususan, Stinger va Javelin’ni yashirincha etkazib berdik”, dedi u.

Rossiya hukumati bir necha bor Ukrainaga qurol etkazib berish RFning qat'iyatini pasaytirmasligini va maxsus harbiy operatsiyaning borishini oʻzgartirmasligini ta'kidlagan. 2025 yil 20 yanvarda lavozimga kirishishi kutilayotgan AQShning saylangan prezidenti Donald Tramp Kiyevni qoʻllab-quvvatlashni sezilarli darajada qisqartirish haqidagi va'dalarini amalga oshirishi kutilmoqda.

Blinken, shuningdek, Xitoy Rossiyaning yadroviy quroldan foydalanishi masalasida tiyib turuvchi rolini oʻynashi mumkinligini aytgan.

“Rossiyaning yadro qurolidan foydalanish ehtimoli 5 foizdan 15 foizgacha oshgan boʻlsa ham, bundan jiddiyroq narsa yoʻq”, dedi Blinken Financial Times nashriga bergan intervyusida.

2024 yilning 19 noyabr kuni Vladimir Putin mamlakatning yadroviy tiyib turish borasida yangilangan davlat siyosati asoslarini tasdiqladi.

Yangi doktrinaga koʻra, yadroviy davlat tomonidan qoʻllab-quvvatlanadigan yadroviy boʻlmagan davlatning tajovuzkorligi ularning Rossiya Federatsiyasiga qoʻshma hujumi deb hisoblanadi. “Zamin” yangiliklarini “Instagram”da kuzatib boring