Daniya Grenlandiyani saqlab qolish uchun gerbini oʻzgartirdi

^{Foto: Meduza LIVE}
Donald Trampning Grenlandiya borasidagi qator bayonotlaridan soʻng Daniya oʻz gerbini oʻzgartirdi.

500 yil mobaynida mamlakat gerbida uch toj — Daniya, Shvetsiya va Norvegiya oʻrtasida XIV asrda tuzilgan Kalmar uniyasi ramzi aks etib kelgan. 2024 yil dekabri oxirida Daniya qiroli Frederik gerbni oʻzgartirishga farmon berdi. Unga Kopengagen oʻz nazorati ostida saqlamoqchi boʻlgan hududlar — Farer orollari (qoʻy) va Grenlandiya oroli (oq ayiq) ramzlari qoʻshilgan.

Tramp AQSh orolni sotib olmoqchi ekanligini aytganidan soʻng Daniya gerbini oʻzgartirdi, deb yozdi 6 yanvarda The Guardian. Tramp kecha Truth Social ijtimoiy tarmogʻida joylagan postida goʻyoki grenlandiyaliklarning oʻzlari AQShning bir qismi boʻlishni istashayotgani, chunki bu «foydali» ekani, «Grenlandiyani yana buyuk qilamiz!» kabi balandparvoz gaplarni yozgandi.

Oʻz navbatida, Grenlandiya bosh vaziri Mute Egede orolga mustaqillik berilishini istamoqda. Uning fikricha, orolning Daniya tarkibidagi tarixi «teng huquqli hamkorlik yaratilishi mumkin emasligini» koʻrsatmoqda. U yangi yil murojaatida mahalliy hukumat konstituttsiya loyihasini tayyorlagani haqida ma'lumot bergandi. “Zamin” yangiliklarini “Vkontakti”da kuzatib boring