Qozogʻistonda ikki yil ichida 27 nafar «jinoiy avtoritet» qoʻlga olindi

^{Qozogʻistonlik kriminal avtoritet “Dikiy Arman”}
Oxirgi ikki yilda Ichki ishlar vazirligi tomonidan uyushgan jinoiy guruhlar tuzish, ularga rahbarlik qilish va ishtirok etish bilan bogʻliq 120 dan ortiq, shu jumladan, 13 ta transmilliy jinoyat ishi roʻyxatga olingan, deb xabar berdi «Zakon.kz».

600 nafardan ortiq jinoyatchi javobgarlikka tortilgan. Uyushgan jinoiy guruhning xalqaro qidiruvda boʻlgan 27 nafar a'zosi qoʻlga olingan. Qozogʻiston hududida qoʻshni davlatlardan kelgan olti nafar qonundagi oʻgʻrilarning faoliyatiga chek qoʻyilgan.

Shuningdek, huquq-tartibot idoralari xodimlari tomonidan tovlamachilik va boshqa ogʻir jinoyatlar bilan shugʻullangan 160 ta jinoiy guruhning noqonuniy faoliyati tugatilgan. Tovlamachilik boʻyicha 1300 dan ortiq jinoyat ishi qoʻzgʻatilib, odam savdosi bilan bogʻliq 400 dan ortiq jinoyatlar aniqlangan, deyiladi xabarda. “Zamin” yangiliklarini “Telegram”da kuzatib boring