Rossiya TIV rasmiy vakili Mariya Zaxarova AQShning saylangan prezidenti Donald Trampning Grenlandiya va Kanada haqidagi soʻzlariga izoh berar ekan, siyosatchi hali oʻz lavozimini rasman egallamaganini eslatdi. Bu haqda diplomat Sputnik radiosiga ma'lum qildi.
"U prezident boʻlgach, oʻz vakolatlarini qabul qilgach, rasmiy maqomda AQSh davlati va xalqi nomidan gapiradi, ehtimol, oʻshanda buni qandaydir tarzda baholash va tahlil qilish mumkin boʻladi", degan Zaxarova.
Eslatib oʻtamiz, oʻtgan yil oxirida Tramp oʻzining Truth Social ijtimoiy tarmogʻida Grenlandiyani AQShga qoʻshib olish zarurligi haqida yozgan edi. Bunga javoban Grenlandiya bosh vaziri Mute Egede "orol sotilmaydi" deya bayonot berdi.
7 yanvar, seshanba kuni Tramp yana hududni sotib olish haqida gapirib, Grenlandiya Qoʻshma Shtatlar tarkibiga kirishi kerakligini, chunki u milliy xavfsizlik va “erkin dunyo”ni himoya qilish uchun strategik ahamiyatga ega ekanligini ta'kidladi.
Siyosatchi, shuningdek, Kanadani AQShga 51-shtat sifatida qoʻshishni taklif qildi. Uning fikriga koʻra, bu boj va soliqlarning sezilarli darajada kamayishiga olib keladi, Kanadaning oʻzi "tahdidlardan toʻliq himoyalanadi". “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Trampning soʻzlaridan keyin Meksika prezidenti Amerika nomini oʻzgartirishni taklif qildi
Trampning tahdidlariga Fransiya va Germaniya qanday munosabat bildirdi?
Telegram foydalanuvchilar ma'lumotini AQShga berishni boshladi...
Rossiya harbiy razvedkasi Afgʻonistonda AQSh askarlarini oʻldirish uchun toliblarga pul toʻlagan(mi?)
Yaponiya hukumati nega Xitoy bilan bogʻliq kiberhujumlardan xavotirga tushmoqda?
Evropa Trampning keskin bayonotlaridan xavotirga tushmoqda
Xitoy raisi nima uchun mashhur iqtisodchini jazolashni buyurdi?
Kurskka hujum koʻlami qanday va undan maqsad nima?
