Isroilda yashovchi Rossiya internet giganti "Yandeks" asoschisi Arkadiy Voloj Rossiya prezidenti Vladimir Putin sirtdan unga «salomatlik tilagan»idan soʻng hayotida birinchi marta qoʻriqlash xizmatini yolladi. Bu haqda 10 yanvar, juma kuni Voloj bilan suhbat oʻtkazgan Bloomberg agentligi xabar berdi. Gap biznesmenning Rossiyaning Ukrainaga qarshi urushi haqidagi 2023 yilda qilgan bayonotiga Putinning javobi haqida ketmoqda.
Rossiyaning qoʻshni davlatga bostirib kirishi boshlanganidan deyarli bir yarim yil oʻtgach, Arkadiy Voloj bu haqda hech qanday izoh bermadi. Biroq, 2023 yil avgust oyida Volojning vakillari ommaviy axborot vositalariga uning urushni qoralagan bayonoti matnini e'lon qilishdi. Hujumni vahshiylik deb atagan tadbirkor «Ukraina uylariga har kuni bombalar uchib kelayotganidan dahshatga tushganini» aytdi. «Rossiyada 2014 yildan beri yashamasligimga qaramay, mamlakat harakatlari uchun oʻzimda ham ma'lum darajada mas'uliyat borligini tushunaman», dedi Voloj.
Vladimir Putin bir oy oʻtib, 2023 yil sentyabrida boʻlib oʻtgan Sharqiy iqtisodiy forumda Volojning soʻzlarini izohladi. «U Isroilda yashaydi, u erda yaxshi darajada yashash va rasmiylar bilan yaxshi munosabatda boʻlish uchun muayyan bayonotlar berishga majbur boʻladi. Uzoq vaqt jim oʻtirgandi, keyin bayonot berishga qaror qildi. Unga salomatlik tilayman, u erda yaxshi yashasin. Bu bizga unchalik qiziq emas», dedi Putin. Shu bilan birga, u Volojni iste'dodli shaxs deb atagan.
Putin avvalroq xuddi shunday tavsifni "Vagner" XHK asoschisi, keyinchalik Tver oblastidagi aviahalokatda vafot etgan Evgeniy Prigojinga bergan edi, deb yozadi Bloomberg. Shu sababli, Putinning soʻzlaridan soʻng, Voloj oʻzini «juda noqulay» his qildi va koʻp oʻtmay — hayotida birinchi marta — qoʻriqlash xizmatini yolladi, deb yozadi agentlik.
«Yandeks» biznesi rossiyalik investorlar konsortsiumiga sotildi
Niderlandiyaning Yandex N.V. kompaniyasi «Yandeks» biznesini sotish boʻyicha bitimni toʻliq yopdi va guruh aktsiyadorlari tarkibidan chiqdi, deb xabar qildi kompaniya matbuot xizmati 15 iyul kuni. Hujjatda aytilganidek, 2024 yil 31 iyulga qadar Yandex N.V. nomini oʻzgartiradi va «Yandeks» brendlaridan foydalanishni toʻxtatadi.
Fevral oyida tuzilgan bitim summasi 475 milliard rublni tashkil etdi (taxminan besh milliard yevro). Uning shartlariga koʻra, «Yandeks»ning Rossiyadagi barcha biznesi va xorijdagi aksariyat loyihalari rossiyalik investorlar va menejerlar konsortsiumiga oʻtkaziladi. «Yandeks» yangi bosh kompaniyasi - MKPAO «Yandeks» - Kaliningrad viloyatida roʻyxatdan oʻtgan. «Yandeks» qidiruv, shahar, koʻngilochar va ta'lim xizmatlari, bulutli va sun'iy intellekt texnologiyalari, avtonom transport va boshqa istiqbolli yoʻnalishlarni rivojlantirishda davom etmoqda», — deyiladi press-relizda.
Bloomberg manbalariga koʻra, «Yandeks» asoschisi Arkadiy Voloj «Yandeks» bosh direktori etib tayinlanadi - Yandex N.V. shunday nom olinishi kutilmoqda. Voloj hozirda Rossiyadan tashqarida toʻrtta yoʻnalishni rivojlantirmoqda – bulutli texnologiyalar, uchuvchisiz transport vositalari, sun'iy intellekt va dasturchilar uchun onlayn ta'lim. Kompaniyada asosan Rossiya Federatsiyasida qolishni istamagan sobiq «Yandeks» xodimlari ishlaydi. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Ukrainada eng keng tarqalgan jinoyat: Armiyadan qochish!
Putin va Tramp qachon uchrashishi mumkin?
Iste'fodagi podpolkovnik: Ukraina harbiylari yarador xizmatdoshlarini tashlab, qochib ketishdi
AQSh Venesuela prezidenti Maduro haqidagi ma'lumot uchun 25 million dollar mukofot tayinladi
Nima uchun Los-Anjeles yonmoqda?
Kanadaliklar AQSh tarkibida boʻlishni xohlaydimi? – “Tramp bezori, Mask esa tentak”
Pokistonning Afgʻonistonga zarbalari: “Tehrike Tolibon” qanday harakat?
AQSh hujum qilgan taqdirda Daniya Grenlandiyani himoya qila olmaydi
