11:45 / 21.01.2025

Donald Trampning inauguratsiyasi qanday o‘tdi?

20 yanvar kuni Donald Tramp AQSHning 47-prezidenti lavozimini rasman egalladi. U bilan birga vitse-prezident Jey Di Vens ham qasamyod qildi.

U inauguratsiya marosimidagi chiqishida «Amerikaning oltin asri» boshlanganini ta’kidladi, avvalgi hukumatni tanqid qildi, inflyatsiyani yengishga, «so‘z erkinligi va qonunni qaytarish»ga, «tinchlikparvar va birlashtiruvchi meros» qoldirishga, faqat ikki: erkak va ayol jinsini mustahkamlashga va’da berdi.

^{Donald Tramp Kapitoliy rotondasidagi inauguratsiyasiga kelmoqda, 2025 yil 20 yanvar
Kenny Holston / Getty Images}

^{O‘ngdan chapga: SpaceX asoschisi Ilon Mask, Google rahbari Sundar Pichai, Amazon asoschisi Jeff Bezos rafiqasi, jurnalist Loren Sanches bilan, shuningdek Meta rahbari Mark Sukerberg rafiqasi Prissilla Chan bilan Trampning inauguratsiyasida. Ular oldingi qatorda turishdi, ularning ortida esa yangi ma’muriyat a’zolari
Shawn Thew / Getty Images}

^{AQSHning sobiq prezidenti Barak Obama Trampning inauguratsiyasida. Obama 2009 yildan 2017 yilgacha prezidentlik lavozimini egallagan
Shawn Thew / Getty Images}

^{Ikki sobiq prezident — Bill Klinton (chapda) rafiqasi, sobiq davlat kotibi Hillari Klinton va kichik Jorj Bush (o‘ngda) Trampning inauguratsiyasida
Shawn Thew / Getty Images}

^{Tramp lavozimini tark etgan AQSH prezidenti Jo Bayden bilan
Kenny Holston / The New York Times / AFP / Scanpix / LETA}

^{Jo Baydenning rafiqasi Jill, Kamala Harrisning turmush o‘rtog‘i Dag Emhoff, AQSHning 42-prezidenti Bill Klinton, uning rafiqasi hamda Trampning 2016 yilgi saylovlardagi raqibi Hillari Klinton va AQSHning 43-prezidenti kichik Jorj Bush}

^{Kichik Jorj Bush, uning rafiqasi Lora Bush, AQSHning 48-vitse-prezidenti (Trampning oldingi ma’muriyatida ishlagan) Mayk Pens hamda AQSHning 44-prezidenti Barak Obama}

^{Trampning oila a’zolari: ikkinchi o‘g‘li Erik Tramp, kuyovi Jared Kushner, qizi Ivanka Tramp va katta o‘g‘li kichik Donald Tramp}

^{Tramp binoga kirib kelgach, rafiqasidan bo‘sa olishga urindi, ammo shlyapa xalaqit qildi}

^{Trampning kichik o‘g‘li, 18 yoshli Berron Tramp onasi Melaniya Tramp bilan}

^{Kichik Robert Kennedi, u sog‘liqni saqlash vaziri lavozimini egallab, «xronik kasalliklar epidemiyasiga chek qo‘yib, Amerikani yana buyuk va sog‘lom qilishi» kerak}

^{Marosimga Shou Szi Chyu ham taklif etilgan — u xitoyliklarning shu kunlarda avvaliga AQSHdagi faoliyatini to‘xtatgan va bir kun o‘tib tiklagan TikTok ijtimoiy tarmog‘i bosh direktori}

^{Argentina prezidenti Haviyer Miley va Italiya bosh vaziri Jorjia Meloni — marosimga kelgan atigi ikki xorijiy davlat rahbari}

^{Marosim mehmonlari orasida Buyuk Britaniyaning sobiq bosh vaziri Boris Jonson ham bor edi}

^{Vitse-prezident Jey Di Vens hamda Donald Tramp qasamyod matnini yodlashmoqda}

^{Donald Tramp Oliy sud raisi Jon Roberts qarshisida qasamyod qilmoqda. Prezident uchun Injilni Trampning rafiqasi — Melaniya tutib turibdi
Saul Loeb / Getty Images}