Oʻzbekiston va Britaniya quyosh panellarining yangi avlodini ishlab chiqarishi mumkin

^{Foto: Dunyo}
Oʻzbekiston elchixonasida Britaniyaning Power Roll kompaniyasining ijrochi direktori Nil Spenn bilan ikki tomonlama uchrashuv oʻtkazildi.

Power Roll kompaniyasi Britaniyada 2011 yilda ta'sis etilgan boʻlib, kompaniya quyosh modullarining (quyosh panellari) yangi avlodini tijoratlashtirish va global joriy etish bilan shugʻullanadi. Uning quyosh modullari (quyosh panellari) yengil, ikki tomonlama qoplashga moʻljallangan "nou-xau" plyonkalardan iborat.

Muloqot davomida Nil Spenn Power Roll kompaniyasi va uning faoliyati bilan batafsil tanishtirdi va hozirda kompaniya tomonidan Oʻzbekistonning vazirlik va idoralari, yirik biznes sub'ektlari hamda tadbirkorlari bilan quyosh modullarining (quyosh panellari) yangi avlodini ishlab chiqarish yoʻnalishlarida hamkorlik qilishga tayyorligini aytib oʻtdi.

Shuningdek, mazkur yoʻnalishlarda hamkorlik aloqalarini yanada jadallashtirish maqsadida kelgusida ikki tomonlama uchrashuvlar hamda tashriflar ishlab chiqilishiga kelishib olindi. “Zamin” yangiliklarini “Telegram”da kuzatib boring