Vashingtonda vertolyot va yoʻlovchi samolyoti havoda toʻqnashib ketdi (video)

^{Foto: CNN}
Federal aviatsiya ma'muriyati (FAA) ma'lum qilishicha, PSA Airlines aviakompaniyasining CRJ700 yoʻlovchi samolyoti mahalliy vaqt bilan soat 21:00 da qoʻnishga yaqinlashayotganda Sikorsky H-60 ​​vertolyoti bilan toʻqnashgan. Samolyot Kanzas shtatining Vichita shahridan Vashingtonga yoʻl olgan American Airlines reysini amalga oshirayotgan boʻlgan. American Airlines veb-saytiga koʻra, samolyot 65 nafargacha yoʻlovchini sigʻdira oladi.

Aeroport, oʻz navbatida, barcha reyslarning parvozi va qoʻnishi toʻxtatilganini e'lon qildi. «Favqulodda xizmatlar aeroportdagi samolyot bilan bogʻliq hodisaga munosabat bildirishmoqda», — deyiladi aeroport ijtimoiy tarmoqlarda.

Milliy transport xavfsizligi boshqarmasi hodisa haqida qoʻshimcha ma'lumotlar yigʻilayotganini ma'lum qildi.

Chorshanba kuni kechqurun Potomak daryosi boʻyidagi voqea joyi boʻylab AQSh Park politsiyasi, Kolumbiya okrugi politsiyasi departamenti va amerikalik harbiylar vertolyotlari uchib oʻtdi, deya xabar beradi Associated Press.

Yaqin atrofdagi Kennedi markazidagi kuzatuv kamerasidan olingan videoda ikkita porlayotgan ob'ekt (taxminan havo kemasi) va ular yaqinlashgandan soʻng yorqin chaqnashni koʻrish mumkin, deb yozadi AP.

"Biz hozircha bortda qancha odam halok boʻlganini bilmasak-da, qurbonlar borligini bilamiz", deydi Texas shtati senatori Ted Kruz.

"Bugun kechqurun Reygan aeroporti yaqinidagi toʻqnashuvda ishtirok etganlar uchun ibodatda boʻling. Vaziyatni kuzatib boryapmiz, lekin hozircha yaxshilikka umid qilamiz", deydi Vitse-prezident JD Vanse.

Veb-kamera ma'lumotlariga koʻra, falokat mahalliy vaqt bilan 20:48 da sodir boʻlgan.

Jabrlanganlar haqidagi ma'lumotlarga aniqlik kiritilmoqda.
“Zamin” yangiliklarini “Telegram”da kuzatib boring