Tramp: Mojaro tugagach Gʻazo sektori AQSh nazoratiga oʻtishi mumkin

^{Foto: AFP}
AQSh sobiq prezidenti Donald Tramp oʻzining Truth Social ijtimoiy tarmogʻida Isroil va Gʻazo oʻrtasidagi harbiy mojaro tugaganidan soʻng, Gʻazo sektori AQSh nazoratiga oʻtishi mumkinligini ta'kidladi.

Trampning rejasiga koʻra, Falastin aholisi ular uchun xavfsiz va qulay hududlarga koʻchiriladi, u erda esa zamonaviy uy-joylar quriladi. Unga koʻra, bu falastinliklarga «xavfsiz, baxtli va erkin hayot kechirish imkoniyatini» beradi.

Gʻazoni qayta tiklash rejasi

Tramp Qoʻshma Shtatlar «dunyoning eng yaxshi qurilish mutaxassislari» bilan hamkorlik qilib, Gʻazoni «yirik va nufuzli rivojlanish loyihalaridan biri» sifatida qayta tiklashni rejalashtirmoqda. U bu jarayonda Amerika qoʻshinlari hududga kiritilmasligini alohida ta'kidladi.

Isroil va Tramp pozitsiyasi

Avvalroq, Tramp Gʻazoni AQSh nazoratiga olish va barcha falastinliklarni hududdan chiqarib yuborish taklifini ilgari surgan edi. Isroil bosh vaziri Binyamin Netanyahu ushbu gʻoyani qoʻllab-quvvatlab, «bunday yondashuv Yaqin Sharqda tinchlik oʻrnatishga xizmat qilishi mumkin», deb ta'kidladi. “Zamin”ni Telegramʻda oʻqing!