Federal sudya Karl Nikols AQSh Xalqaro taraqqiyot agentligi (USAID) xodimlari manfaatlarini himoya qiluvchi kasaba uyushmalarining da'vosiga javoban vaqtinchalik qaror qabul qildi.
Sudya da'vo arizasi tarafdorlarining talablarini qondirib, agar Donald Tramp ma'muriyatining rejalari toʻxtatilmasa, USAID xodimlariga katta zarar etishi mumkinligini ta'kidladi.
Sud qarori tafsilotlari hali toʻliq e'lon qilinmagan, jumladan, allaqachon ma'muriy ta'tilga chiqarilgan 500 USAID xodimining taqdiri keyinroq ma'lum boʻladi.
Reuters xabariga koʻra, sudya Nikols kasaba uyushmalarining boshqa talablarini rad etdi. Ushbu talablar orasida USAID binolariga kirish imkonini tiklash, agentlik grantlari va shartnomalarini moliyalashtirishni qayta yoʻlga qoʻyish kabi masalalar bor edi.
Juma kuni AQSh prezidenti Donald Tramp USAIDni yopishga chaqirdi. Bir kun avval agentlik xodimlariga 10 mingdan ortiq shtatdan atigi 611 nafari qolishi rejalashtirilayotgani haqida xabar berilgan edi.
Juma kuni tun yarimiga qadar 2 mingdan ortiq xodim ma'muriy ta'tilga yuborilishi kerak edi. “Zamin” yangiliklarini “Telegram”da kuzatib boring
Ctrl
Enter
Xato topdIngizmi
Iborani ajratib Ctrl+Enter tugmasini bosingMavzuga oid yangiliklar
