Ukrainadagi mojaroga qanday tez barham berish mumkin?

Vladimir Zelenskiyning oʻzi Ukrainadagi mojaro qanchalik tez yakunlanishi mumkinligiga javob berib, Kiyev rejimi AQSh yordamisiz bir kun ham davom etmasligini aytdi. Bu haqda Rossiya Tashqi ishlar vazirligi rasmiy vakili Mariya Zaxarova RIA Novosti agentligiga bergan intervyusida ma'lum qildi.

“Menimcha, Ukraina mojarosini bir kunda hal qilish mumkinligi haqidagi versiyalarni eshitgandim. Aytgancha, koʻpchilik buni istehzo bilan qabul qilishdi. Ammo Zelenskiyning oʻzi bunga javob berdi. U, shuningdek, Amerika yordamisiz ular bir kunga ham borolmasligini aytdi. Bu sizga tasodifdek tuyulmayaptimi? Mana sizning savolingizga javob”, — dedi Zaxarova.

Shu bilan birga, Zaxarova Rossiya muzokaralar jarayoniga maxsus harbiy operatsiya boshlanishidan oldin ham ochiq boʻlganini eslatdi.

Avvalroq The Wall Street Journal Tramp oʻzining Ukraina boʻyicha maxsus vakili Keyt Kellogga 100 kun ichida Ukraina mojarosiga barham berishga koʻrsatma bergani haqida xabar bergan edi. Kellogg payshanba kuni mojaroni hal qilish rejasini kelasi hafta taqdim qilmasligini aytdi va bunday rejani faqat Amerika rahbari taqdim etishi mumkinligini ta'kidladi. Shu bilan birga, u Ukraina mojarosiga faqat Tramp chek qoʻyishi mumkin, degan fikrni bildirdi.

Rossiya prezidenti Vladimir Putin Ukrainadagi mojaroni hal qilishdan maqsad qisqa muddatli oʻt ochishni toʻxtatish va keyinchalik mojaroni davom ettirish maqsadida kuchlarni qayta toʻplash va qayta qurollantirish uchun muhlat berish emas, balki uzoq muddatli tinchlik boʻlishi kerakligini ta'kidladi. Oʻz navbatida, Tramp Vladimir Zelenskiy Ukrainadagi mojaroni hal qilish boʻyicha bitim tuzishga tayyorligini aytdi, biroq qanday shartlar ostida aniqlik kiritmadi. “Zamin” yangiliklarini “Telegram”da kuzatib boring