09:00 / 11.02.2025

Tramp garovga olinganlarni qaytarmayotgan Hamasga «jahannam» bilan tahdid qildi

AQSh prezidenti Donald Tramp 11 fevral, seshanba kuni Hamas harakatidan barcha isroillik garovga olinganlarni shanba kuni tushgacha ozod qilishni talab qildi. «Agar shanba kuni soat 12:00 ga qadar barcha garovga olinganlar qaytarilmasa, men (oʻt ochishni toʻxtatish toʻgʻrisidagi kelishuvni) bekor qilish vaqti keldi, deb hisoblayman va bu jahannamni keltirib chiqaradi», — dedi Tramp.

Bir kun avval Hamas vakillari Isroil sulh shartlariga rioya qilmagani sababli 15 fevralga belgilangan garovga olinganlarni Isroilga topshirishni keyinga qoldirish niyatida ekanliklarini ma'lum qilgan edi. Isroil tomonidan taxmin qilingan qonunbuzarliklar roʻyxatiga quyidagilar kiradi: falastinliklarning Gʻazo sektori shimoliga qaytishiga yoʻl qoʻymaslik, chodirlar, yoqilgʻi, dori-darmon va vayronalarni tozalash uchun jihozlarning kirishiga toʻsqinlik qilish.

Isroil mudofaa vaziri Israel Kas Hamasning qarorini tomonlar erishgan oʻt ochishni toʻxtatish boʻyicha kelishuvni «toʻliq buzish» deb atadi va Gʻazo sektoridagi TsAHAL kuchlarini toʻliq jangovar shay holatga keltirdi.

TsAHAL Gʻazo sektori hududida jangovar shay holatga keltirildi

Hamas harakatining isroillik garovga olinganlarni topshirishni toʻxtatish haqidagi bayonoti ortidan Isroil mudofaa kuchlari (TsAHAL) toʻliq jangovar shay holatga keltirildi. Bu haqda 10 fevral kuni mamlakat mudofaa vaziri Israel Kas ma'lum qildi va Hamasning qarorini tomonlar ilgari erishgan oʻt ochishni toʻxtatish kelishuvini «butunlay buzish» deb atadi.

Gʻazo sektori hududi mudofaa uchun qoʻshimcha kuchlar bilan mustahkamlangan, askarlar va qoʻmondonlik boʻlinmalarining ta'tillari kechiktirildi va kuchlar turli stsenariylarga tayyorgarlik koʻrilmoqda, dedi TsAHAL matbuot kotibi.

Avvalroq Hamas rasmiylari 15 fevralga rejalangan garovga olinganlarni Isroilga topshirishni sulhga rioya qilinmagani sababli keyinga qoldirishini ma'lum qilgan edi. Isroil tomonidan taxmin qilingan qonunbuzarliklar roʻyxatiga quyidagilar kiradi: falastinliklarning Gʻazo sektori shimoliga qaytishiga yoʻl qoʻymaslik, chodirlar, yoqilgʻi, dori-darmon va vayronalarni tozalash uchun jihozlarning kirishiga toʻsqinlik qilish.