Ilon Mask AQSHning keyingi prezidenti kim bo‘lishini aytdi

Amerikalik milliarder Ilon Mask AQSH vitse-prezidenti J.D. Vensni Oq uyning bo‘lajak rahbari bo‘lishi mumkinligini aytdi.

"Eng yaxshi vitse-prezident va bizning bo‘lajak prezidentimiz", - Ilon Mask bir foydalanuvchining X ijtimoiy tarmog‘idagi janob Vens haqidagi postiga izoh berdi.

J. D Vens 40 yoshda. U 2023 yil yanvaridan beri AQSH Kongressida Ogayo shtatidan respublikachi senator bo‘lib ishlagan. Janob Vens 2016 yilgi saylovlardan oldin Donald Trampni tanqid qilgan, biroq o‘z pozitsiyasini o‘zgartirib, 2020 yilgi saylovlarda uni qo‘llab-quvvatlagan.

Fevral oyida Myunxen xavfsizlik konferensiyasida Vens Yevropa davlatlarini tanqid qildi. Uning so‘zlariga ko‘ra, ular Qo‘shma Shtatlar bilan baham ko‘radigan asosiy qadriyatlardan uzoqlashgan. Yevropada demokratiya uchun asosiy tahdid, Rossiya, Xitoy yoki boshqa tashqi o‘yinchilardan emas, balki ichkaridan, dedi u. “Zamin” yangiliklarini “Telegram”da kuzatib boring