Respublikachi senator Rossiyani «baliqlar uchun yemga» aylantirish bilan tahdid qildi

Amerika Qo‘shma Shtatlari Respublikachilar partiyasining nufuzli vakillaridan biri bo‘lgan senator Jon Kennedi mamlakat prezidenti Donald Trampni Rossiya prezidenti Vladimir Putinga nisbatan keskin va qat’iy pozitsiya namoyish qilishga chaqirdi. Senatorning aytishicha, Putin AQSH rahbariga bergan «barcha va’dalarini buzgan» va bunga munosib javob qaytarish lozim. Bu haqda Fox News telekanali ma’lum qildi.

«Biz Putinga va umuman Rossiyaga AQSH rahbarini aldab ketish oson emasligini, bunga javoban keskin jazo choralari borligini tushuntirishimiz lozim», — dedi senator Jon Kennedi o‘z chiqishida.

Shuningdek, siyosatchi Moskva Ukrainaga NATO tarkibiga kirish imkoniyatini yopib qo‘yishga harakat qilayotgani, AQSH va Yevropaning esa Kiyevga yordam berishini to‘xtatishga intilganini tanqid qildi. Kennedining fikriga ko‘ra, AQSH hukumati bunday siyosatga qarshi turib, Rossiyaga «juda qattiq javob berish» imkoniyatlariga ega.

«Biz Putin va Kremlga Amerika Qo‘shma Shtatlarini aldaganlikning keskin oqibatlari bo‘lishini tushuntirishimiz kerak. Agar Rossiya biz bilan o‘ynashmoqchi bo‘lsa, biz uni “baliqlar uchun yem”ga aylantirishga tayyor ekanligimizni ochiq-oydin ko‘rsatishimiz lozim», — deya qattiq ogohlantirdi senator.

Ushbu bayonot xalqaro siyosiy doiralarda keng muhokamalarga sabab bo‘lmoqda. AQSH va Rossiya o‘rtasidagi munosabatlar oxirgi paytda Ukraina inqirozi sababli keskinlashgan va bu turdagi qat’iy pozitsiyalar ikki davlat o‘rtasidagi vaziyatni yanada taranglashtirishi mumkinligi taxmin qilinmoqda. “Zamin”ni Telegramʻda oʻqing!