Putin: Rossiyada urushni tugatishga yetarli kuch bor

Rossiya prezidenti Vladimir Putin “Rossiya. Kreml. Putin. 25 yil” hujjatli filmida so‘zlab, Moskva Ukrainaga qarshi boshlangan urushni Rossiya manfaatlari va xavfsizligi nuqtayi nazaridan “kerakli natija bilan” yakunlash uchun barcha resurslarga egaligini ta’kidladi. Unga ko‘ra, Rossiya nafaqat harbiy jihatdan, balki siyosiy va ma’naviy jihatdan ham o‘z maqsadlariga sodiq qolmoqda.

“Inqirozni keltirib chiqargan sabablarni yo‘q qilish, uzoq muddatli tinchlik va xavfsizlikni ta’minlash, rus tilini ona tili deb biluvchi va Rossiyani o‘z Vatanim deb hisoblovchi odamlar yashaydigan hududlarda xalqimiz manfaatlarini himoya qilish — biz qilayotgan ishning asosiy mohiyati mana shunda”, — dedi Putin.

Yadroviy qurol haqida

Intervyuda Putin Rossiya yadroviy qurol ishlatishi ehtimoli haqidagi savollarga javoban, bu borada hozircha zarurat yo‘qligini va “bunday ehtiyoj paydo bo‘lmasligiga” umidvorligini bildirdi.

Ukrain razvedkasi nega xavotirda?

Ayni paytda Ukraina Mudofaa vazirligi razvedkasi ma’lum qilganidek, Rossiya 19 mayga o‘tar kechasi RS-24 “Yars” qit’alararo ballistik raketasini “o‘quv-jangovar” maqsadda sinovdan o‘tkazishni rejalashtirmoqda. Bu xabar ortidan mintaqa yana bir bor keskinlik ostisida qolishi mumkin.

 Zamin.uz tahririyatidan:
Putinning ushbu bayonoti Rossiyaning geosiyosiy yo‘nalishida qat’iylik va uzoqni ko‘zlovchi maqsadlar ustuvorligini yana bir bor namoyon etdi. Ammo yadro sinovi haqidagi xabar xalqaro hamjamiyatda jiddiy xavotir uyg‘otmoqda. Siz bu bayonot va bo‘lajak raketalar sinovini qanday baholaysiz? “Zamin”ni Telegramʻda oʻqing!