25 may kuni Kiyev nazorati ostidagi hududdan 303 nafar rossiyalik harbiy xizmatchi qaytarildi

Rossiya Mudofaa vazirligi xabariga ko‘ra, bugun, 25 may kuni, Kiyev nazorati ostidagi hududdan 303 nafar rossiyalik harbiy xizmatchi qaytarildi. Ushbu almashinuv doirasida Rossiya ham Ukrainaga 303 nafar harbiy asirni topshirdi.

16 may kuni Istanbulda erishilgan kelishuvlarga muvofiq, 23 maydan 25 maygacha bo‘lgan davrda tomonlar "1000 ga 1000" formulasi asosida almashinuv jarayonini yakunladilar.

Ushbu kelishuv doirasida 23 may kuni Ukraina asirligidan 270 nafar harbiy va 120 nafar tinch aholi Rossiyaga qaytarildi. Xuddi shu kunning o‘zida Rossiya ham Ukrainaga shuncha harbiy asir va tinch aholini topshirdi.

Shuningdek, 24 may kuni tomonlar 307 nafar harbiy asirni almashtirdilar. Bu jarayonda Rossiya va Ukraina har biri 307 nafar harbiy asirni qaytarib oldi.

Natijada, 23 maydan 25 maygacha bo‘lgan davrda tomonlar umumiy hisobda 1000 nafar harbiy asirni almashtirdilar. “Zamin”ni Telegramʻda oʻqing!