Yo‘qolgan deb kelingan Tyorner asari 150 yildan so‘ng topildi!

Buyuk Britaniya san’at olamida sensatsiyaga sabab bo‘lgan voqea ro‘y berdi. Bir necha avlodlar davomida yo‘qolgan, deb hisoblab kelingan mashhur ingliz rassomi Uilyam Tyornerga tegishli bo‘lgan kartina qaytadan topildi. Bu haqda BBC nashri xabar berdi.

The Rising Squall nomli asar moybo‘yoqda chizilgan bo‘lib, unda Bristol shahridagi “Xot-Uells” issiq bulog‘i burunli va dramatik tabiat fonida tasvirlangan. Ushbu asar Tyornerning ijodiy yo‘lidagi ilk bosqichlardan biri bo‘lib, u bu kartinani bor-yo‘g‘i 17 yoshida yaratgan.

Surat ilk bor 1793 yilda Londondagi Qirollik akademiyasida ko‘rgazmaga qo‘yilgan. Ammo 1858 yildan keyin polotnoning keyingi taqdiri haqida hech qanday ma’lumot bo‘lmagan. Oxirgi marta u Avstraliyada jamoatchilikka namoyon qilingani qayd etilgan, shu paytdan so‘ng u butunlay izdan yo‘qolgan.

2024 yilda tasodifiy tiklash ishlari jarayonida rasm ostida Tyornerning o‘z qo‘li bilan qo‘ygan imzosi aniqlandi va shundan so‘ng uning haqiqiy muallifiga oidligi isbotlandi. Ekspertlar bunga qadar Tyornerning birinchi moybo‘yoqdagi ishi sifatida "Dengizdagi baliqchi" asarini bilishar edi, ammo yangi topilma bu ma’lumotlarni qayta ko‘rib chiqishga turtki bo‘ldi.

San’atshunoslarning fikricha, bu surat nafaqat Tyornerning ijodiy merosi uchun, balki butun Britaniya tasviriy san’ati uchun ulkan kashfiyotdir. Endi asar Sotheby's kimoshdi savdolari uyi tomonidan 28 iyundan 1 iyulgacha Londonda ko‘rgazmaga qo‘yiladi va keyinchalik auksionda sotuvga chiqariladi. Nodir polotnoning bahosi 300 ming funt sterling (taxminan 380 ming dollar) deb belgilangan.

Mazkur kartinaning qayta topilishi va Tyorner merosi haqidagi ilmiy mulohazalar kelgusida Britaniya rassomchiligida yangi davrni boshlashi mumkin. “Zamin”ni Telegramʻda oʻqing!