Amerika siyosiy muhitida ilinjli bahs-munozaralar davom etmoqda. Vakillar palatasi a’zosi, demokrat Jorj Uaytsayds AQSH prezidenti Donald Tramp ma’muriyatining 2026-moliyaviy yil uchun NASA agentligi budjetiga katta miqdorda — qariyb 25 foiz qisqartirish kiritilishini keskin tanqid qildi. Uning ta’kidlashicha, bu faqat agentlikning ilmiy dasturlariga salbiy ta’sir qilish bilan cheklanib qolmaydi, balki mamlakatning ilm-fan, kosmos va iqtisodiyotdagi yetakchilik maqomini ham xavf ostida qoldiradi.
Ma’lumotlarga ko‘ra, Tramp ma’muriyati NASAning ilmiy tadqiqotlariga ajratiladigan mablag‘ni ikki barobar qisqartirishni rejalashtirayotgani — haqiqiy fojiaviy holat. Jorj Uaytsayds bu qarorni faqat Amerika ilm-fan rivoji uchun emas, balki kelajakda dunyo bo‘yicha energiya, resurs va innovatsiyalarni topishda, mamlakatning iqtisodiy salohiyatini mustahkamlashda muhim ahamiyatga ega ekanini ta’kidladi.
Uaytsayds bu borada Xitoy misolini keltirib o‘tdi. "Xitoyliklar hozir kosmosga o‘nlab multispektral qurilmalarni uchirmoqda. Bu sohada AQSH yetakchiligini saqlab qolmasa, biz nafaqat atmosfera fanidan, balki kelajak iqtisodiyotimizning asosiy qazilma manbalarini aniqlash imkoniyatlaridan ham ayrilamiz", — dedi u.
Shuningdek, demokrat vakil Artemis oy dasturini moliyalashtirishni qo‘llab-quvvatlashini bildirdi. Ayni paytda, Jared Ayzekman nomzodini NASA rahbarligiga qo‘yishdan voz kechilganini noo‘rin qaror deb baholadi va bu qaror ortida shaxsiy manfaatlar, hatto Ilon Mask bilan bog‘liqligi haqida ayrim mulohazalarni keltirdi.
Eslatib o‘tamiz, NASA bugungi kunda faqat Amerika emas, balki butun dunyo uchun ilmiy va texnologik taraqqiyotda muhim o‘rin tutadi. Budjet qisqarishi esa jahondagi raqobatda AQSHning pozitsiyasiga jiddiy ta’sir ko‘rsatishi mumkin. Muxlislar esa, ilm-fan va texnologiyalar rivoji Amerika kelajagining kafolati ekanini yana bir bor ta’kidlashmoqda. “Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing Mavzuga oid yangiliklar
